Rossy de Palma

Da Wikipedia.
(Reindirizzamento da Rossy De Palma)

C'l artìcul chè 'l è scrit in Miranduléś Emiliàn

La de Palma in na fóto dal Mars dal 2017
La Rossy tòlta śò a Cannes in dal 2011
La de Palma, Almodóvar e la Cruz
L'atōra spagnōla c'n i sò fiōi
Un sò prim piàṅ


La Rosa Elena García Echave, cgnusùda da piò cuma Rossy de Palma (Palma ad Majòrca, 16 ad Setémbar dal 1964), l'è n'atōra spagnōla.

Biugrafìa

La pasa la sò giuinésa in dgl'Iśùli Baleàri in du l'éra nada par pò spatinàr a Madrìd in dua la mét in pē, insém a di atri baghéti, un grup muśicàl ciamâ Peores imposibles, tulénd al nóm 'd art ad Rossy Peor e pò quél ad Rossy Von Donna.

Cun un grugn dasquadrâ e fóra dal cumùṅ cum la gh'à, la vèṅ duciàda in di an dla movida par Pedro Almodóvar ch'al gh dà na part in dal film La legge del desiderio dal 1987 e pò anc in di atri sò pelìculi cuma Donne sull'orlo di una crisi di nervi (1988), Légami! (1989), Kika - Un corpo in prestito (1993), Il fiore del mio segreto (1995), Gli abbracci spezzati (2009) e Julieta (2016).

L'à girâ anc soquànt film in Itâglia cuma Chicken park (1994), faghénd la sòśia ad Morticia Addams in na parudìa ad Jurassic Park, o Tu la conosci Claudia? (2004) in dua l'è la dóna 'd Aldo. In dal 2005 la tōś part a la cumèdia muśicàla 20 centimetri.

Dal vòlti la s dèdica anc a di àtar mistēr cuma la cantànta o la mudèla ad stilìsta cuma Jean-Paul Gaultier. La dascór dimóndi bèṅ in Ingléś, Francéś, Spagnōl e Catalàṅ. Adès la viṿ in Frància insém a i sò dū fiōi.

Filmugrafìa

Culegamènt estéran