20 centimetri

Da Wikipedia.

C'l artìcul chè 'l è scrit in Miranduléś Emiliàn

20 centímetros
20 centimetri

La Mónica Cervera e Pablo Puyol in na figùra dal film
20 centìmetar
2005
Regìa: Ramón Salazar
Scritōr: Ramón Salazar
Atōr: Mónica CerveraPablo PuyolConcha Galán
Miguel O'DoghertyRossy de PalmaLola Dueñas
Müsica: Najwa Nimri
Léngua: SpagnōlIngléśFrancéś
Dürä dal film: 112 minüt
Nasiōṅ: SpaggnaFrància


«
Quàl'è-la la miśùra p'r èsar cuntènt?»
(Tagline dal film)


20 centimetri (20 centìmetar) l'è na cumèdia muśicàla spagnōla e francéśa dal 2005 ad Ramón Salazar.

In dal film la Mónica Cervera e la Najwa Nimri i càntan di pès pop fra i quài a gh'è I Want To Break Free di Queen, True Blue dla Madonna, Boys, Boys, Boys dla Sabrina Salerno, Changes ad David Bowie, I Only Want To Be With You dla Dusty Springfield e Parole Parole dla Mina.

Sunt

Adolfo (Mónica Cervera) 'l è 'n travestî ch'al pasa 'l sò tèmp lìbar c'n al nâṅ Tomás (Miguel O'Dogherty). La gh'à 'l ciòld fis par l'Ava Gardner ma anc 'n uśèl lung 20 centìmetar ch'la n s cumpatìs briśa e ch'la vrév cavàr-as via ma ch'a gh sarvìs cun chi óm sò cliènt ch'la s pòrta a lèt pistànd ad nòt i marciapē ad Madrìd, insém a la sò amìga La Frío (Rossy de Palma), druànd al nóm 'd art ad Marieta. La 'l fà par catàr sù di bèsi ch'i gh sarvìsan par l'uperasiòṅ.

La Marieta però la gh'à 'n prubléma bèl grôs parchè l'è narculètica, a 'l impruvìś la pèrd i sèns e la s mét a durmìr in dua la s insùnia lē cantàr e balàr dal canti furastéri. Un dè chi lē l'incróśa a 'l marcâ un ragàs ch'al dascàrga 'l caséti dla fruta e ch'al gira sèmp'r in mòta, Raùl (Pablo Puyol). Chi lò al gh fà pèrdar la tèsta ma anc Raùl al cata quèl ch'a gh piàś in dla Marieta: adèsa cuma pōl-la pinsàr ad tajàr-'s-al via?

Culegamènt estéran