Right Said Fred
C'l artìcul chè 'l è scrit in
Miranduléś |
![](http://upload.wikimedia.org/wikipedia/commons/thumb/b/ba/RSF_LIVE_EUROPEAN_TOUR_crop.jpg/350px-RSF_LIVE_EUROPEAN_TOUR_crop.jpg)
I Right Said Fred (’T à dit bèṅ Fred) i èṅ un grup muśicàł pop ingléś furmâ in dal 1989 da i fradèi Fairbrass, Richard cantànt e Fred chitarìsta, tut dū plâ, uriginàri 'd East Grinstead in dal sud dl'Inghiltèra. In fiṅ a 'l 1997 in dal grup a gh'éra anc 'n àtar chitarìsta, Rob Manzoli. Al nóm dal grup 'l è qvél dna canta dal 1962 ad Bernard Cribbins.
In dla sò caréra i èṅ stâ bòṅ ad véndar da piò ad trénta migliòṅ ad disc, cavànd-'g-la a piasàr dal sò cansòṅ a 'l prim pòst dla clasìfica in stanta paéś, al prim grup ingléś a finìr in prima puśisiòṅ in dla Billboard c'n un sìngul ad debùt da i tèmp di Beatles.
![](http://upload.wikimedia.org/wikipedia/commons/thumb/c/cd/Right_Said_Fred-Up-Frontal.jpg/120px-Right_Said_Fred-Up-Frontal.jpg)
Ólt'r a 'l prim disc Up, ch'l à vindû bèṅ in tut al mónd anc par via di sìngui I'm Too Sexy, Don't Talk Just Kiss e Deeply Dippy, anc al quàrt disc in studi Fredhead al gh'à abû sucès, specialmènt in Germàgna, Àustria e Śvisra.
La sò mùśica l'è stada druàda in stanta e pasa fra film, telefìlm, cartòṅ animâ e reclàm cuma Il mio amico scongelato, Prêt-à-Porter, Un party per Nick, The Simpsons e Angry Birds 2 - Nemici amici per sempre.
Discugrafìa
![](http://upload.wikimedia.org/wikipedia/commons/thumb/8/8b/Right_Said_Fred_Regenbogenparade-Wien2008.jpg/360px-Right_Said_Fred_Regenbogenparade-Wien2008.jpg)
Àlbum
- 1992 - Up
- 1993 - Sex & Travel
- 1996 - Smashing!
- 2001 - Fredhead
- 2002 - Stand Up
- 2006 - For Sale
- 2008 - I'm a Celebrity
- 2009 - Hits!
- 2011 - Anal Bum Fun
- 2017 - Exactly!
Racòlti
- 2003 - Greatest Hits
- 2004 - Introducing...