Quintet
|
C'l artìcul chè 'l è scrit in
Miranduléś |
 Quintet
| ||
 Paul Newman in na figùra dal film | ||
| id. 1979 | ||
|---|---|---|
| Regìa: Robert Altman | ||
| Scritōr: Frank Barhydt • Robert Altman Patricia Resnick • Lionel Chetwynd | ||
| Atōr: Paul Newman • Vittorio Gassman Fernando Rey • Bibi Andersson • Brigitte Fossey Nina van Pallandt • Craig Richard Nelson David Langton • Thomas Hill • Monique Mercure | ||
| Müsica: Tom Pierson | ||
| Léngua: Ingléś • Latìn | ||
| Dürä dal film: 118 minüt | ||
| Nasiōṅ: Stat Unî | ||
Quintet (id.) 'l è 'n film fantàstic dal 1979 ad Robert Altman ch'al 'l à anc prudót c'n un budget ad nóṿ migliòṅ e tri ad dòlar.
Sunt
Durànt na nóva éra dal giàs, in du la gint l'è dvintàda stèrila a fòrsa 'd praticàr la riprudusiòṅ par clunasiòṅ, al casadōr ad fòchi Essex (Paul Newman) e la sò dóna insìnta, la Vivia (Brigitte Fossey), i èṅ in viàś vèrs nòrd p'r andàr a catàr al fradèl ad lò, Francha (Thomas Hill). Na vòlta rivâ in dal sò vilàǵ, un tisi ciamâ Redstone (Craig Richard Nelson) al tira na bómba in dla cà 'd Francha, masànd lò e anc la Vivia. A s trata 'd un śōg spavintóś ciamâ „Quintet“.
Essex, ch'al s è salvâ parchè in cal mumènt lè 'l éra fóra, 'l usèrva 'l sasèṅ scapàr via e al gh cur adrē, giùst in tèmp par véd'r al sò masamènt da part 'd 'n itagliàṅ ciamâ St. Christopher (Vittorio Gassman). In dal bisàchi 'd Redstone, Essex al gh cata 'n fujét 'd carta cun scrit insìma 'n elènc ad nóm: Francha, Redstone, Goldstar, Deuca, St. Christopher e Ambrosia.
Essex, faghénd finta 'd èsar Redstone in parsòna, al và a 'l hutèl Electra in du a s śōga 'd aśàrd. Che a gh vîṅ incóntar al masēr dal caśinò, Grigor (Fernando Rey), ch'al 'l invìda a 'l tàvul in du a gh'è 'n turnèo ad „Quintet“. Lè a gh'è anc l’Ambrosia (Bibi Andersson).