Anche gli uccelli uccidono
|
C'l artìcul chè 'l è scrit in
Miranduléś |
 Brewster McCloud
| ||
| Anche gli uccelli uccidono | ||
 La Shelley Duvall e Bud Cort in na figùra dal film | ||
| Anc gl'uśèi i màsan 1970 | ||
|---|---|---|
| Regìa: Robert Altman | ||
| Scritōr: Doran William Cannon | ||
| Atōr: Bud Cort • Sally Kellerman • John Schuck Michael Murphy • William Windom • Jennifer Salt Shelley Duvall • Rene Auberjonois • Stacy Keach Corey Fischer • Bert Remsen • Margaret Hamilton | ||
| Müsica: Gene Page | ||
| Léngua: Ingléś | ||
| Dürä dal film: 104 minüt | ||
| Nasiōṅ: Stat Unî | ||
Anche gli uccelli uccidono (Anc gl'uśèi i màsan) l'è na cumèdia dal 1970 ad Robert Altman. L'è stada giràda a Houston in dal Tèxas.
Sunt
In dal méntar ch'un prufesōr ch'al stùddia gl'uśèi (Rene Auberjonois) al fà na lesiòṅ su 'l cumpurtamènt ad cal bèsti lè anc in cunfrònt cun qvél dal gèn'r umàṅ, al śōvan c'n i uciài Brewster McCloud (Bud Cort), lugâ in 'n auditorium, al fà da tut par far sù 'n machinàri par vulàr, cuma qvéi ad Leonardo Da Vinci. Al ragàs al pōl cuntàr su 'l ajùt dla Louise (Sally Kellerman), 'n àngil crudâ śò ch'la gh diś ad tgnir adrē sèmp'r a i sò sógn e 'd armàgnar pûr in dal còrp.
Par far-'s i mùscui in manéra ad psēr mōvar sù e śò gl'ali mecànichi dal sò aparéć, Brewster al fà da spés alenamènt davànti a la Hope (Jennifer Salt), na ragasōla cun dal trési mèśa mata e dimóndi malnéta ch'la gh pòrta da magnàr ad nascòst e ch'la s la grata guardànd-al far gl'eśercìsi e far fadìga in di bras. Quànd lò al ciùla par la prima vòlta andànd a lèt cun la sò amìga Suzanne (Shelley Duval), la Louise la s arlìa sèg mulànd-al.
A sucéd pò che soquànti parsòni i tàc'n a murìr e in di sò còrp a s cata sèmpar dal scagasàdi 'd uśèi. Al vitmi i èṅ al vèć tarulî Abraham Wright (Stacy Keach) ch'al pènsa sōl a i bèsi, la daśgustóśa cantànta dla lìrica Daphne Heap (Margaret Hamilton) e 'l pulisiòt laśaròṅ Douglas Breen (Bert Remsen). Al detective Frank Shaft (Michael Murphy) e 'l sò jutànt, al tenènt Johnson (John Schuck), i n saṅ mia da che part tacàr, sōl a 'l ùltim la Suzanne la cònta ch'a masàr qvi là 'l è stâ pròpria Brewster. Quànd la pulisìa la và in d'l auditorium p'r arestàr-al, lò al s mét gl'ali e al taca a vulàr in fiṅ tant che, stlâ dla fadìga, al n gh la cava piò e al sa spapèla par tèra.