Quel gran pezzo dell'Ubalda tutta nuda e tutta calda

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Quel gran pezzo dell'Ubalda
tutta nuda e tutta calda
Quel gran pezzo dell'ubalda.png
La Fenech, D'Orsi e Franco in na figùra dal film
Cal pès grôs dl'Ubalda
nûda dal tut e bèla bujènta

1972
Regia: Mariano Laurenti
Scritùr: Tito Carpi • Luciano Martino
Atùr: Edwige FenechPippo FrancoDante Cleri
Karin SchubertUmberto D'OrsiPino Ferrara
Müsica: Bruno Nicolai
Dürä dal film: 91 minüt
Lengua: Itagliàn
Nasiòun/Paèiş: Itàglia


«
Se par caś fra quìndas dè a fém un fiōl al s nas'rà c'n i cavìi rós parchè a mè a m vèṅ la ruśna, còca!»


Quel gran pezzo dell'Ubalda tutta nuda e tutta calda (Cal pès grôs dl'Ubalda nûda dal tut e bèla bujènta) 'l è 'n film da rìdar dal 1972 ad Mariano Laurenti. 'L è 'l tèrs film dal filòṅ dla cumèdia spurcaciòna a l'itagliàna e quél ch'l à fat cgnósar dabòṅ la Edwige Fenech.

Custâ Nuànta migliòṅ ad franc a 'l incìrca, al 'n à pò fat sù setsènt-vintnóṿ. A 'l èstar 'l è cgnusû anc c'n al tìtul ad “Ubalda, all naked and warm”.

Cla pelìcula chè l'à ciapâ i cumplimènt ad Walter Veltroni quànd al fava 'l crìtic cinematugràfic par La Repubblica. Par lò l'inténsa Fenech l'éra 'n persunàǵ a la Truffaut méntar l'interpretasiòṅ patìda ad Pippo Franco l'à śuntâ dla pueśìa a cal preśèpi lè minimàł [1].

Sunt

Turnâ a cà dòp la guèra, Olimpio De' Pannocchieschi (Pippo Franco) al vèṅ a savér che sò mujér, la Fiamma (Karin Schubert), l'à fat un vōt, la n s darà minga a sò marè prima ad quindas dè. Ma l'è tuta na scuśa parchè lē, ch'la gh'à na sìngia 'd castità adòs, la gh'à biśógn ad tèmp par śluntanàr via tut gl'amànt ch'la gh'à stramnâ in gir par cà. In tut al manéri l'è stada śvélta a fargàr la ciàṿ a sò marè méntar lò 'l éra drē a far-'s un bagn, muśnènt cum 'l éra.

In cal méntar Olimpo al gh'à anc da far paś cun al sò vśèṅ dimóndi arliâ, al munàr Màstar Oderisi (Umberto D'Orsi), ch'al s è spuśâ ad nóṿ cun l’Ubalda (Edwige Fenech), na dóna dimóndi bèla ch'la fà pèrdar la tèsta a Olimpo.

Culegamènt estéran

Nòti

  1. Veltroni, i schérum dal cōr (c'n al parmés dl'Ubalda) Corriere.it, 5 ad Nuvémbar dal 1994