Per sempre
|
C'l artìcul chè 'l è scrit in
Miranduléś |
 Per sempre
| ||
 Urbano Barberini e la Gioia Scola i na figùra dal film | ||
| Par sèmpar 1987 | ||
|---|---|---|
| Regìa: Lamberto Bava | ||
| Scritōr: Dardano Sacchetti Elisa Briganti • Lamberto Bava | ||
| Atōr: Gioia Scola • David Brandon • Urbano Barberini Marco Vivio • Roberto Pedicini • Stefano De Sando | ||
| Müsica: Simon Boswell • Mara Catalano | ||
| Léngua: Itagliàṅ • Ingléś | ||
| Dürä dal film: 93 minüt | ||
| Nasiōṅ: Itàglia | ||
Per sempre (Par sèmpar), cgnusû anc cuma Per sempre - Fino alla morte, 'l è 'n film ad scarésa dal 1987 ad Lamberto Bava, girâ par la televiśiòṅ, ch'al tōś spunt in na quàlc manéra da 'l rumànś „Al pustèṅ al sòna sèmpar dū vòlti“ e da 'l film Ossessione ad Luchino Visconti.
La pelìcula la fava part 'd un prugèt ciamâ „Śgriśōr śal“ ad quàtar film fat par Reteitalia insém a Una notte al cimitero, La casa dell'orco e A cena col vampiro.
Sunt
La Linda (Gioia Scola) e 'l sò amànt Carlo (David Brandon) na nòt i cópan sò marè Luca (Roberto Pedicini), miténd-ag dal vlèṅ in dal cafè, e pò i al saplìs'n in dal bòsc sóta la piōva. Òt an dòp i dū i vìv'n insém purtànd avànti la lucànda dal mòrt cun la dóna ch'in cal méntar l'à dâ anc a la luś al putèṅ ch'la spétava da Luca, Alex (Marco Vivio).
In na nòt ad timpèsta a riva lè 'n śōvan biundèṅ, Marco (Urbano Barberini), ch'al dmanda na cambra ma a n avénd briśa i bèsi par pargàr al s śibìs ad jutàr-i in di fat.