Morirai a mezzanotte
|
C'l artìcul chè 'l è scrit in
Miranduléś |
 Morirai a mezzanotte
| ||
 La Loredana Romito in na figùra dal film | ||
| At murirà a meśanòt 1986 | ||
|---|---|---|
| Regìa: Lamberto Bava | ||
| Scritōr: Dardano Sacchetti • Lamberto Bava | ||
| Atōr: Leonardo Treviglio • Valeria D'Obici Paolo Malco • Lara Wendel • Barbara Scoppa Eliana Miglio • Lea Martino • Loredana Romito | ||
| Müsica: Claudio Simonetti | ||
| Léngua: Itagliàṅ | ||
| Dürä dal film: 89 minüt | ||
| Nasiōṅ: Itàglia | ||
Morirai a mezzanotte (At murirà a meśanòt) 'l è 'n thriller dal 1986 ad Lamberto Bava prudót par la Dania Film e la Reteitalia. 'L è stâ girâ a Àscul.
Sunt
L'agìnt ad pulisìa Nicola Levi (Leonardo Treviglio) al tîṅ a drē a sò mujér (Loredana Romito) parchè al gh vōl rigalàr di fiōr e far-ag na surpréśa, ma la surpréśa la gh la fà lē a lò quànd, andàda dènt'r a 'n negòsi ch'al vénd dal mudàndi e dal sotvèsti, la s lōga par far la purcùsa cun 'n àt'r óm. Dòp avér-la bcada ad nascòst, Nicola al s in và dascunsulâ. Lung la via 'l incróśa na prufesōra 'd università e studiōśa dal crìmin sò amìga, l’Anna Berardi (Valeria D'Obici), e al decìd ad dar-'g i fiōl a lē.
Più tard al s litga cun sò mujér, in cal méntar turnàda a cà. Chi lē la gh insfìlsa un śbragagiàs in dal pèt e lò, narvōś mat, al próa a 'ndgàr-la ma a 'l ùltim al lasa pèrdar e al decìd 'd andàr a catàr l’Anna par sfugàr-as. Sò mujér invéci la decìd ad far-as na dócia ma, méntar l'è drē a lavàr-as, un qualchidòṅ al la cópa druànd pròpria al sò śbragagiàs.
Al cumisàri Terzi (Paolo Malco) al s fà càrag dal caś e al suspetâ num'r òṅ 'l è Nicola ch'al n arév minga mandâ śò i còran patî. L’Anna, ch'in cal méntar l'è drē a dar na maṅ a la fiōla dal cumisàri, la Carol (Lara Wendel), par finìr la sò téśi 'd làurea ch'la dascór 'd un serial killer ciamâ Tribo, però la n è minga 'd acòrd sèg.