A cena col vampiro
|
C'l artìcul chè 'l è scrit in
Miranduléś |
 A cena col vampiro
| ||
 La Pellegrino e l'Yvonne Sciò in na figùra dal film | ||
| A séna c'n al vampîr 1987 | ||
|---|---|---|
| Regìa: Lamberto Bava | ||
| Scritōr: Dardano Sacchetti Lamberto Bava • Luciano Martino | ||
| Atōr: Isabel Russinova • Patrizia Pellegrino George Hilton • Riccardo Rossi • Valeria Milillo Yvonne Sciò • Letizia Ziaco • Daniele Aldrovandi | ||
| Müsica: Simon Boswell • Mario Tagliaferri | ||
| Léngua: Itagliàṅ • Ingléś | ||
| Dürä dal film: 92 minüt | ||
| Nasiōṅ: Itàglia | ||
A cena col vampiro (A séna c'n al vampîr) 'l è 'n film ad scarésa dal 1987 ad Lamberto Bava, girâ par la televiśiòṅ. Al fà part dal pachét “Brivido giallo” insém a àtar tri film dal regìsta rumàṅ, La casa dell'orco, Una notte al cimitero e Per sempre.
Dimóndi di atōr i rìvan diretamènt da 'l mónd televiśìṿ cuma l'Yvonne Sciò (Non è la Rai), l'Isabel Russinova (Discoring), Riccardo Rossi (Forum) e la Patrizia Pellegrino (L'isola dei famosi). Chi lē la canta anc al braṅ “Near Magic”.
Sunt
Gianni (Riccardo Rossi), la Sasha (Valeria Milillo), la Monica (Yvonne Sciò) e la Rita (Patrizia Pellegrino) i èṅ quàtar śōvan chi vrévan far caréra in dal mónd dal spetàcul. Quànd un regìsta ad film ad scarésa americàṅ ciamâ Jurek (George Hilton) al i sarnìs par la sò nóva pelìcula, da giràr pròpria in dal sò castèl, chi lōr i èṅ cuntènt cuma dal Pàsqui.
Purtâ c'n un machinòṅ da Jurek, i gh'aṅ da spetàr pò la mèśanòt prima che lò al s faga védar. Al regìsta al gh cònta 'd ès'r un vampîr in vita da piò ad quatàr-mil' an in dua al 'n à fat ad tut i culōr. 'L à masâ tant gint par scampàr e 'l è anc dvintâ un pasiènt ad Sigmund Freud ma adès 'l è stuf e al vrév dar-'g un taj. Al gh dmanda dònca 'd cupàr-al, s'i gh la càvan, o sinò i saràṅ lōr a lasàr-'g al péni e anc tut al sangṿ. Par Gianni, ch'l è dimóndi pēś da cumpatìr-as cun tut al batùdi ch'al fà, adès a gh'è pôc da rìdar.