Nude si muore
|
C'l artìcul chè 'l è scrit in
Miranduléś |
 Nude... si muorecgnusû anc cuma Sette vergini per il diavolo | ||
 La Valturri e la Brown in na figùra dal film | ||
| Nûdi.. a s mōr 1968 | ||
|---|---|---|
| Regìa: Antonio Margheriti (firmâ Anthony Dawson) | ||
| Scritōr: Mario Bava • Giovanni Simonelli Franco Bottari • Antonio Margheriti | ||
| Atōr: Mark Damon • Eleonora Brown • Sally Smith Michael Rennie • Ludmilla Lvova • Patrizia Valturri Malisa Longo • Umberto Papiri • Luciano Pigozzi | ||
| Müsica: Carlo Savina | ||
| Léngua: Itagliàṅ | ||
| Dürä dal film: 98 minüt | ||
| Nasiōṅ: Itàglia | ||
Nude... si muore (Nûdi... a s mōr) 'l è 'n film śal dal 1968 'd Antonio Margheriti che però al s firma cuma Anthony Dawson. 'L è cgnusû anc cun al tìtul ad Sette vergini per il diavolo (Shoolgirl killer o Naked you die a 'l èstar) e 'l gh'iva da èsar girâ par Mario Bava che però 'l éra drē a far Diabolik e alóra a n s 'n è fat gnint.
La canta Nightmare (Arbgàt), scrita par Savina e cantàda par la Rose Brenner, la fà part dla culòna sunóra dal film.
Sunt
Na dóna la vîṅ andgàda in dla sò vasca da bagn e pò purtàda fóra e misa in un baùl ch'al finìs in un furgunsèṅ ch'al gh'à 'd andàr a 'l culéǵ ad St. Hilda dirèt par la sgnóra Transfield (Vivian Stapleton). I lavóran sèg la nóva insgnànta ad siénsi, la sgnóra Clay (Ludmilla Lvova), la sgnóra Martin (Ester Masing), al śóvan prufesōr Richard Barrett (Mark Damon), al mìstar ch'l inséggna a nudàr, Di Brazzi (Giovanni Di Benedetto) e al giardinēr La Floret (Luciano Pigozzi).
In dla scóla i gh'èṅ a 'l mumènt sōl sèt baghéti parchè chi àtri i èṅ in vacànsa. Rivâ là, al baùl al vîṅ mis in cantìna. Una dal studénti, la Betty Ann (Caterina Trentini), ch'l'éra andàda a far un gir là, la vîṅ strusàda e purtàda via. In dla scóla i la péscan dapartùt ma i n la càtan minga. La Jill (Sally Smith) l'è persuàśa ch'a sia stâ al giardinēr a cupàr-la. Al mistri i órdna a 'l śóvni ad star saràdi in dal cambri da lèt cla sira lè ma la Lucille (Eleonora Brown) la n ubidìs minga parchè la gh'à 'n apuntamènt cun Richard. La và a far un gir fóra e, in dla cà di insèt dal prufesōr Andre (Aldo De Carellis), la cata al cadàvar dla sò cumpàgna. Quànd la gh pòrta Richard però al sò còrp al n s véd piò. Pîna ad paùra, la Lucille la vōl scapàr via da 'd lè e Barrett al gh cunsìlia 'd andàr subìt a far la valìś. Chi lē la s fà la dócia mént'r al giardinēr al la tîṅ 'd òć da 'n àrbul lè 'd fóra. Anc la Cynthia (Malisa Longo) la và a lavàr-as e la vîṅ cupàda. La Lucille la créd ch'i vlìsan masàr lē.