Contronatura (film 1969)
|
C'l artìcul chè 'l è scrit in
Miranduléś |
 Schreie in der Nacht
| ||
| Contronatura | ||
.png) L'Helga Anders e la Koch in na figùra dal film | ||
| Cóntar-natùra 1969 | ||
|---|---|---|
| Regìa: Antonio Margheriti | ||
| Scritōr: Antonio Margheriti | ||
| Atōr: Joachim Fuchsberger • Giuliano Raffaelli Marianne Koch • Helga Anders • Luciano Pigozzi Claudio Camaso • Marianne Leibl • Marco Morelli Dominique Boschero • Giuseppe Marrocco | ||
| Müsica: Carlo Savina | ||
| Léngua: Itagliàṅ | ||
| Dürä dal film: 83 minüt | ||
| Nasiōṅ: Itàglia • Germàgna Òvest | ||
Contronatura (Cóntar-natùra) 'l è 'n film ad scarésa gòtic dal 1969 'd Antonio Margheriti che però al s firma cuma Anthony Dawson.
Al regìsta 'l à anc scrit la senegiadùra tulénd spunt, in na manéra libra, da la nuvèla Eppure bussano alla porta ad Dino Buzzati.
Sunt
Archibald Barrett (Giuliano Raffaelli) al s cata a Brighton par cunsgnàr di documènt a 'l sò avucàt ch'al gh'à da far-'g avēr l'eredità 'd un sò cuśèṅ pîṅ ad bèsi ciamâ Richard Wright (Marco Morelli). Barrett al s pòrta sèg al sò raśunēr Ben Taylor (Joachim Fuchsberger), cumpagnâ par sò mujēr Vivian (Marianne Koch), e 'l fatōr Alfred Sinclair (Claudio Camaso) cun la sò dóna, la Margarete (Dominique Boschero).
Durànt al viàś però la màchina la gh'à 'n guàst e 'l grup 'l è custrét a dmandàr ajùt a na famìja ch'la stà in un chalet lè darènt anc parchè 'l è drē a piōvar dimóndi fòrt e pò l'è bèla sira. In cà al pruprietàri Uriath (Luciano Pigozzi) e sò màdar, la Herta (Marianne Leibl), i èṅ impgnâ in na sidùta spirìtica. Esénd che la dóna l'è na medium e ch'l'è incóra in trance, Uriath al śibìs a i òspit ad śuntàr-'s a tavla. La vècia, in cuntàt c'n “al da 'd là”, la taca a dasquaciàr i segrét visióś e i tragatèṅ di furastēr.