La morte negli occhi del gatto
|
C'l artìcul chè 'l è scrit in
Miranduléś |
 La morte negli occhi del gatto
| ||
 La Jane Birkin e Hiram Keller in na figùra dal film | ||
| La mòrt in di òć dal gat 1973 | ||
|---|---|---|
| Regìa: Antonio Margheriti (firmâ Anthony Dawson) | ||
| Scritōr: Peter Bryan • Antonio Margheriti Ted Rusoff • Giovanni Simonelli | ||
| Atōr: Jane Birkin • Hiram Keller • Luciano Pigozzi Françoise Christophe • Dana Ghia • Franco Ressel Doris Kunstmann • Anton Diffring • Konrad Georg Venantino Venantini • Bianca Doria • Luciano Pigozzi | ||
| Müsica: Riz Ortolani | ||
| Léngua: Itagliàn | ||
| Dürä dal film: 95 minüt | ||
| Nasiōṅ: Itàglia • Frància • Germàgna Òvest | ||
La morte negli occhi del gatto (La mòrt in di òć dal gat) 'l è 'n film ad scarésa gòtic dal 1973 'd Antonio Margheriti che però al s firma cuma Anthony Dawson.
Fra i prutagunìsta dal film i gh'èṅ la Jane Birkin e sò marè Serge Gainsbourg, qvéi dla canta spurcaciòna Je t'aime Moi non plus dal 1969. La bèstia dal film invéci la n è àtar ch'al gat ad Margheriti stés, Mushi.
Sunt
In dal castèl scuséś ad Dragstone, ch'l è dla Lady Mary MacGrieff (Françoise Christophe) e ad sò fiōl Lord James (Hiram Keller), a riva 'n dè la Corringa (Jane Birkin), anvōda dla dóna e fiōla ad sò surèla Lady Alicia (Dana Ghia), parchè casàda via da 'l culéǵ. Sò sia la s è fata 'l amànt in dal dutōr Franz (Anton Diffring).
In dal castèl dla famìja a s diś ch'a gh sia un quèl maladî: se òṅ di Macgrieff al masìs òṅ ch'al gh'à al sò stés sangṿ, al dvintarà un vampîr. Soquànt dè dòp 'l arìṿ dla Corringa a vèṅ pròpria cupàda sò màdar e pò anc un sarvidōr. La ragasōla la pénsa subìt ch'al masadōr al pòs'èsar sò cuśèṅ James. Sōl in un secónd tèmp la taca a crédar ch'la gh sia in mèś la Lady Mary. Par scapàr via da lè, la śóvna la s lóga in di piàṅ ad sóta ma lè la gh cata 'l sasèṅ, qvél véra.