L'ultimo cacciatore (film 1980)
|
C'l artìcul chè 'l è scrit in
Miranduléś |
 L'ultimo cacciatore
| ||
.png) David Warbeck in na figùra dal film | ||
| 'L ùltim casadōr 1980 | ||
|---|---|---|
| Regìa: Antonio Margheriti | ||
| Scritōr: Gianfranco Couyoumdjian Dardano Sacchetti | ||
| Atōr: David Warbeck • Tisa Farrow • Tony King Bobby Rhodes • John Steiner • Margie Newton Massimo Vanni • Luciano Pigozzi • Dino Conti Gianfranco Moroni • Miki Kim • Romano Kristoff | ||
| Müsica: Franco Micalizzi | ||
| Léngua: Itagliàṅ • Ingléś • Vietnamìda | ||
| Dürä dal film: 95 minüt | ||
| Nasiōṅ: Itàglia | ||
L'ultimo cacciatore (’L ùltim casadōr) 'l è 'n film ad guèra e 'd asiòṅ 1980 'd Antonio Margheriti che però al s firma cuma Anthony M. Dawson. 'L è vgnû fóra dòp i sucès dal pelìculi Il cacciatore dal 1978 e Apocalypse Now dal 1979.
'L è stâ girâ in Itàglia (p'r al séni intérni) e in dal Filipìni.
Sunt
Al capitàṅ Harry Morris (David Warbeck), durànt la guèra in Vietnam, al decìd ad pasàr soquànt dè lìb'r in un caśèṅ ad Saigon insém a 'l sò amìg culéga Steve e a 'l sergìnt ad culōr ciamâ George Washington (Malik Farrakhan) dit Wash. Andâ fóra 'd tèsta p'r al stress dla guèra, p'r avēr alvâ tròp al gòmat e p'r èsar luntàṅ da la sò muróśa Carol (Margit Evelyn Newton) da tròp tèmp, Steve prima al masa 'n àtar suldâ e pò al sa spara in bóca.
Morris al decìd ad purtàr avànti na misiòṅ in dla furèsta cun dimóndi perìcui, qvéla 'd catàr l'anténa dla ràddio druàda da i “Charlie” par traśmétar di mesàǵ par far vilìr gl'americàṅ e purtàr-i a dar-'g un taj cun la guèra diśertànd. Insém a lò e a Wash a partìs anc Carlos (Bobby Rhodes), pò a s śònta la giurnalìsta Jane Foster (Tisa Farrow).
Al grup al gh'à da paràr via tut al trapli strulgàdi da i “muś śai” e lung la via i incróś'n i suldâ dal magiōr Cash (John Steiner) che però pò i mōran tut a séguit 'd 'n atàc a surpréśa di vietcong. Morris al vîṅ fat parśunēr e mis in na gàbia in dl'àqua cun dal póndghi dèntar.