Mine vaganti

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Mine vaganti
Mine vaganti.png
Riccardo Scamarcio in na figùra dal film
Mini stramnàdi
2010
Regia: Ferzan Özpetek
Scritùr: Ferzan Özpetek • Ivan Cotroneo
Atùr: Riccardo ScamarcioAlessandro Preziosi
Nicole GrimaudoIlaria OcchiniLunetta Savino
Ennio FantastichiniDaniele PecciBianca Nappi
Elena Sofia RicciGea MartireCarmine Recano
Carolina CrescentiniMassimiliano Gallo
Müsica: Pasquale Catalano
Lengua: Itagliàṅ
Dürä dal film: 110 minüt
Nasiòṅ: Itàglia


«
'L ùnic quèl più cumplicâ d'l amōr 'l è la famìja.»
(Tagline dal film)


Mine vaganti (Mini stramnàdi) l'è na cumèdia dramàtica dal 2010 ad Ferzan Özpetek. L'è stada candidàda a trédas Dàvid ad Dunatèl vinsénd qvéi par gl'atōr minga prutagunìsta (Ilaria Occhini e Ennio Fantastichini). Inóltar la s è purtàda a cà sinc Nàstar 'd Argìnt.

La pelìcula, giràda a Lécce e a Gaìpul, l'è custàda sèt migliòṅ 'd euro a 'l incìrca e la 'n à pò purtâ a cà da piò 'd òt e tri. In dla culòna sunóra dal film i s càt'n i braṅ 50mila dla Nina Zilli e Pensiero stupendo dla Patty Pravo ch'la canta anc Sogno scrit apòsta p'r al film.

A 'l èstar 'l è vgnû fóra cun di nóm dal tut difarènt cuma “Le Premier qui l'a dit” (Al prim ch'al 'l à dit) in Frància, “Hombres al dente” (Óm a 'l dènt) in Culómbia, “O miłości i makaronach” (Amōr e pasta) in Pulógna o “Uma Família Moderna” (Na famìja mudèrna) in Purtugàl.

Sunt

Tommaso Cantone (Riccardo Scamarcio), uriginàri 'd Lécce, 'l è andâ a star a Róma par studiàr a l'università ma minga ecunumìa cuma i vrév'n i suo ma létri parchè da grand a gh piaśrév scrìvar di lìbar. Quànd 'd Istâ al tórna in Salènt par viśitàr la famìja, sò màdar Stefania (Lunetta Savino) ch'la gh stà sèmp'r adòs, sò pàdar Vincenzo (Ennio Fantastichini) titulàr 'd un pastifìsi industriàł dimóndi impurtànt, sò surèla Elena (Bianca Nappi) ch'la n vōl pròpria briśa ardùś'r-as a far la raśdōra, sò sia Luciana (Elena Sofia Ricci), sò nunóna (Ilaria Occhini) e sò fradèl Antonio (Alessandro Preziosi), al vrév vudàr al sac dgénd a tut la véra e ch'l è anc fnòć.

Quànd però i èṅ tut a tavla, sò fradèl al tōś la paròla par prim dgénd 'd èsar gay e tut i gh armàgnan, specialmènt sò pàdar ch'l arév vlû dar-'g al pastifìsi par purtàr-'l avànti insém a Tommaso. Esénd che lò 'l è dimóndi tradisiunàl e 'n óm dal sud a l'antìga, al n pōl minga pardunàr-'g un quèl dal gènar. Par cal mutìṿ lè 'l al para via subìt e 'l al scanśèla da la gestiòṅ dal pastifìsi. Tommaso 'l è custrét acsè a tgnir-as dènt'r incòsa e a tacàr a lauràr insém a l’Alba Brunetti (Nicole Grimaudo) la fiōla dal sòci ad sò pàdar.

Culegamènt estéran