Allacciate le cinture

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Allacciate le cinture
Allacciate le cinture.png
La Kasia Smutniak in na figùra dal film
Mitî-'v al singi
2014
Regia: Ferzan Özpetek
Scritùr: Gianni Romoli • Ferzan Özpetek
Atùr: Kasia SmutniakFrancesco Arca
Filippo ScicchitanoCarolina Crescentini
Luisa RanieriElena Sofia RicciCarla Signoris
Francesco SciannaPaola Minaccioni
Francesca Romana VerzaroGiulia Michelini
Müsica: Pasquale Catalano
Lengua: Itagliàṅ
Dürä dal film: 110 minüt
Nasiòṅ: Itàglia


«
'N amōr grand al n gh'arà mai fiṅ.»
(Tagline dal film)


Allacciate le cinture (Mitî-'v al singi) 'l è 'n film dramàtic dal 2014 ad Ferzan Özpetek ch'l è stâ numinâ p'r ùndas Dàvid ad Dunatèl (sénsa vìnsar gnint) méntar 'l à purtâ a cà tri Nàstar 'd Argìnt, òṅ par la prutagunìsta Kasia Smutniak e 'n àtar par la Paola Minaccioni.

La pelìcula l'à muciâ sù da piò ad quàtar migliòṅ e mèś 'd euro.

Sunt

L’Elena Vergari (Kasia Smutniak) l'è na śōvna 'd Lecce ch'la viṿ insém a sò màdar Anna (Carla Signoris). Ad mistēr la fà la barìsta sóta padròṅ insém a 'n sò culéga fnòć sò amìg, Fabio (Filippo Scicchitano), e a la Silvia (Carolina Crescentini). Méntar lē al muróś la gh 'l à bèla, Giorgio (Francesco Scianna), la sò amìga la s è péna misa c'n un mecànig vilàṅ, rasìsta, narvóś mat, omofòbic e diślèsic, Antonio (Francesco Arca), che l’Elena la fà fadìga a cumpatìr-as. In na quàlc manéra però fra i dū, difarènt in tut, a scròca listés na silta fata 'd pasiòṅ e 'd sès tant ch'i dū i sa spóśan prèst. L’Elena la fà dū fiōi, anc s'in famìja i quèi i tàc'n a 'ndàr mâł e al litgàdi i n s còntan piò, e la vèra insém a Fabio un pub miténd a pòst un vèć distributōr ad benśìna.

Un dè chi lē la và a far un gir in un sèntar masàǵ insém a na sò sîna puta fóra 'd tèsta ch'la càmbia sèmpar nóm a secónd dla piga ch'la tōś la sò vita druànd-'n acsè sèmp'r ad difarènt cuma Viviana e Dora (Elena Sofia Ricci). La dóna la pòrta pò la sò anvōda sèg a far un cuntròl a 'l téti parchè l'è dvintàda na salutìsta sfegatàda. Purtròp a l’Elena i gh càt'n un càncar e anc bèl grôs tant che prima 'd psēr-'l uperàr a gh'è da far dla chèmio. Antonio al gh mét anc i còran cun na paruchéra 'd nóm Maricla (Luisa Ranieri) che, dòp avér savû dal sò mâł, la s śibìs ad far-'g avēr na pirùca a gràtis.

Culegamènt estéran