Manifèst dal Partî Comunìsta

Da Wikipedia.


C'l artìcol chè 'l è scrit in Carpśàn Emiliàn

La prìma edisiòun dal Manifèst, dal 1848.



Al "Manifèst dal Partî Comunìsta" ("Manifest der Kommunistischen Partei" in dla lingva tedèsca 'd quand 'l era gnû fóra) 'l è 'n librèt gnanc dimòndi lung, publichê a Londra in dal 1848 da Karl Marx e Friedrich Engels, e ch'al descòr ed polìtica 'd comunìśem. Subìt da 'l inìsi, al Manifèst al dvintèva ùn di lìber polìtic più famōś e quistiunê in dal mònd e 'l gniva tradòt in dimòndi lingvi.

Al Manifèst al descòr edla lota ed clas in dal pasê e in dal preśèint e di probléma di agìnt proletàri ch'i gh'àn da fèr col capitalìśem. Còuntra cal sistéma ed produsiòun chè, i proletàri, dvintê in dimòndi agìnt dôp la rivolusiòun industrièla e 'l lavōr in del fàbrichi, i gh'avrèven da tgnìrs estrìc e insèm purtèr avànti la só lota ed clas per arbaltèr al cmand da l'élta ed chi èter pòc agìnt ch'i gh'cmanden dabòun.


«
Ein Gespenst geht um in Europa – das Gespenst des Kommunismus. Alle Mächte des alten Europa haben sich zu einer heiligen Hetzjagd gegen dies Gespenst verbündet, der Papst und der Czar, Metternich und Guizot, französische Radikale und deutsche Polizisten.»
(DE)('L inìsi dal Manifèst dal Partî Comunìsta, Marx e Engels, 1848)
«
Un fantèśma al prìla in gìr per l'Evròpa - al fantèśma dal comunìśem. Tùti el potèinsi dla vècia Evròpa, pepa, śar, Metternich e Guizot, i francéś radichèl e la polisìa tedèsca, i s ìn mìs insèm in na santa aleàṅsa, per mandèr vìa cal fantèśma chè.»

Sunt

Un francbòl soviètic ed celebrasiòun dal sentenàri dal Manifèst.

Per soquànti vicèndi stòrichi edl'economìa, a s è rivê a catères col dō clâs socèli di proletàri e dla borgheśìa in lota i ùn cun chièter. Dimòndi ingiustìsi, patìdi 'd lung ai ùltem sécol, i avrèven śbatû i agìnt in dla povertê mèinter che la borgheśìa la i desfrutarèv per crèser sèimper de più la só richèsa e 'l capitèl. I proletàri i gh'avrèven dòunca da tōr in man al guèren cun la ditadùra dal proletariêt.

Vōś lighèdi

Noti e Referèinsi

Èter progêt

Colegamèint estèren