Luc Merenda

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Luc Merenda in na figùra dal film “Al pulisiòt 'l è mars”


Luc Charles Olivier Merenda, cgnusû méj c'n al nóm scurtâ ad Luc Merenda (Nogent-le-Roi, 3 ad Setémbar dal 1943), 'l è 'n atōr e èx mudèl francéś cun di urìgini itagliàni, famóś specialmènt p'r i sò film dal gènar pulisiutésc di an Stanta.

Biugrafìa

Dòp avér pasâ da pìcul soquànt an in Maròc, Luc al và a vìv'r a tréd'ś an a Parì in du al s pasiòna a i sport ad cumbatimènt cuma la boxe. A vint-quàt'r an al spatìna a New York par pruàr a sfundàr in dal mónd dal spetàcul e par campàr al s inśégna a lavàr śò i piàt. In di Stat Unî al taca na caréra da mudèl.

In dal 1971, durànt na vacànsa a Róma, Merenda al taca a giràr dimóndi film cuma Inchiesta su un delitto della polizia ad Marcel Carné, Sole rosso ad Terence Young e I corpi presentano tracce di violenza carnale e Milano trema - La polizia vuole giustizia par Sergio Martino.

In dal 1974 al gira Il poliziotto è marcio par Fernando Di Leo e pò al lavóra incóra c'n al regìsta pugléś anc 'l an dòp in La città sconvolta: caccia spietata ai rapitori. In dal 1976 al gira Cattivi pensieri insém a Ugo Tognazzi, a l'Edwige Fenech, a la Veruschka e a la Mara Venier. In dal 1977 al gira na pelìcula ad scarésa par Francesco Barilli, Pensione paura.

In dal 1986 Neri Parenti 'l al sarnìs p'r al sò Superfantozzi méntar Eli Roth 'l al ciàma in dal 2007 p'r al sò film ad scarésa dal gènar „masèl“ Hostel: Part II.

Filmugrafìa

Culegamènt estéran