I corpi presentano tracce di violenza carnale
|
C'l artìcul chè 'l è scrit in
Miranduléś |
 I corpi presentano traccedi violenza carnale | ||
 La Suzy Kendall e la Aumont in na figùra dal film | ||
| I còrp i gh'aṅ di ségn ad viulénsa carnàla 1973 | ||
|---|---|---|
| Regìa: Sergio Martino | ||
| Scritōr: Ernesto Gastaldi • Sergio Martino | ||
| Atōr: Suzy Kendall • Tina Aumont • Luc Merenda Ernesto Colli • John Richardson • Angela Covello Roberto Bisacco • Carla Brait • Conchita Airoldi Carlo Alighiero • Patrizia Adiutori • Luciano Bartoli | ||
| Müsica: Guido e Maurizio De Angelis | ||
| Léngua: Itagliàṅ | ||
| Dürä dal film: 90 minüt | ||
| Nasiōṅ: Itàglia | ||
I corpi presentano tracce di violenza carnale (I còrp i gh'aṅ di ségn ad viulénsa carnàla) 'l è 'n śal dal 1973 ad Sergio Martino prudót par Carlo Ponti ch'al gh'à cambiâ 'l tìtul a 'l ùltim par śuntàr-ag dal pēvar (al gh'iva da ciamàr-as “I còrp i n gh'aṅ minga di ségn ad viulénsa carnàla”) quànd invéci in dla pelìcula al sasèṅ al n iva viulentâ ninsòṅ.
Al film 'l è ambintâ a Perùśa in dal mónd universitàri in dua dal studènti furastéri ch'i rìv'n in Itàglia par studiàr ma anc par divertìr-as e par far al purcùsi, americàni e ingléśi, i vènan cupàdi p'r òpra 'd un manìac ch'al dróa curtlàs e śghét.
A 'l èstar 'l è cgnusû c'n i tìtui ad “Torso” in di Stat Unî, “Torso, violencia carnal” in Spaggna e “Die Säge des Teufels” in Germâgna. Insém a Reazione a catena ad Mario Bava 'l à spianâ la strada a 'l filòṅ di slasher-movies americàṅ cuma Halloween, la notte delle streghe o i film ad Venardè 13.
Sunt
Méntar l'è drē a gusàr in màchina c'n al sò muróś, la Flo' Nicholson (Patrizia Adiutori), studènta dl'università par furastēr ad Perùśa, la vèṅ masàda da 'n tisi c'n un pasamuntàgna adòs e c'n un curtlàs in maṅ. Soquànt dè dòp a fà la stésa fiṅ in dal bòsc, dòp na fèsta hippy, n'atra ragàsa iscrìta a 'l cōrs ad stòria dl'art dal prufesōr Franz (John Richardson), la Carol Pelisier (Cristina Airoldi), e anc un vendidōr ambulànt ch'al saìva tròp (Ernesto Colli) e ch'al fava par qvést di ricàt. Al cumisàri Enzo Di Salvo (Luciano De Ambrosis) al taca a indagàr.
Quàt'r amìgi dal dū ragàsi studènti anca lōr, la Daniela (Tina Aumont), la sò amànta Ursula (Carla Brait), la Katia (Angela Covello) e la Jane (Suzy Kendall), i decìd'n ad śluntanàr-as da 'l sèntar dla sità par mét'r-as a 'l sicûr e p'r èsar più srèni. I gh'aṅ di suspèt su 'n sò cumpàgn ad cōrs cun di prubléma c'n al sès e inamurâ dla Daniela, Stefano (Roberto Bisacco). La vila in du i stànan la gh'à na bèla vduda e l'è anc da par lē. A part al dutōr Roberto (Luc Merenda) lè lōr i n védan ninsòṅ. Ma na nòt a riva lè al manìac.