Libero De Rienzo
|
C'l artìcul chè 'l è scrit in
Miranduléś |
Libero De Rienzo (Nàpuli, 24 ad Favràr dal 1977 - Róma, 16 ad Luj dal 2021) 'l è stâ 'n atōr, regìsta e senegiadōr itagliàṅ.
Biugrafìa
Fiōl d'l ajùt regìsta 'd Citto Maselli Fiore, al taca na caréra in dal mónd dal cìnema a la fiṅ di an Nuànta laurànd p'r Antonello Grimaldi e par Pupi Avati. In dal 2001 'l è prutagunìsta dla pelìcula A mia sorella! dla francéśa Catherine Breillat, pò 'l cata 'l sucès anc in Itàglia tulénd part a Santa Maradona ad Marco Ponti insém a Stefano Accorsi, lavōr ch'al gh fruta 'n Dàvid ad Dunatèl e 'l prèmi cuma atōr più braṿ a 'l fèstival internasiunàł dal cìnema 'd Mar del Plata.
In dal 2005 al fà 'l sò debùt da regìsta cun Sangue - La morte non esiste pò 'l fà la part dal giurnalìsta masâ da la camorra Giancarlo Siani in dal film biugràfic Fortapàsc.
Dòp avēr laurâ anc in soquànti fiction par la televiśiòṅ, cuma Nassiryia - Per non dimenticare e Squadra mobile, e a 'n film su 'l ciclìsta Marco Pantani (Il caso Pantani - L'omicidio di un campione), al mōr a 'l impruvìś a quarànta-quàt'r an par 'n infàrt in dla sò cà 'd Róma, lasànd na mujēr, la custumìsta Marcella Mosca, e dū fiōi.
Filmugrafìa
- 1999 - Asini, regìa 'd Antonello Grimaldi
- 1999 - La via degli angeli, regìa ad Pupi Avati
- 2001 - A mia sorella! (À ma soeur!), regìa dla Catherine Breillat
- 2001 - Santa Maradona, regìa ad Marco Ponti
- 2001 - Benzina, regìa dla Monica Stambrini
- 2002 - Gioco con la morte, regìa ad Maurizio Longhi
- 2004 - A/R Andata + Ritorno, regìa ad Marco Ponti
- 2005 - Sangue - La morte non esiste, regìa ad Libero De Rienzo
- 2007 - Milano Palermo - Il ritorno, regìa ad Claudio Fragasso
- 2009 - Fortapàsc, regìa ad Marco Risi
- 2010 - Le ultime 56 ore, regìa ad Claudio Fragasso
- 2011 - Tutti al mare, regìa ad Matteo Cerami
- 2011 - La kryptonite nella borsa, regìa 'd Ivan Cotroneo
- 2013 - Miele, regìa dla Valeria Golino
- 2014 - Smetto quando voglio, regìa ad Sydney Sibilia
- 2015 - Ho ucciso Napoleone, regìa ad Giorgia Farina
- 2016 - La macchinazione, regìa ad David Grieco
- 2016 - Cristian e Palletta contro tutti, regìa 'd Antonio Manzini
- 2017 - Smetto quando voglio - Masterclass, regìa ad Sydney Sibilia
- 2017 - Easy - Un viaggio facile facile, regìa 'd Andrea Magnani
- 2017 - La casa di famiglia, regìa 'd Augusto Fornari
- 2017 - Smetto quando voglio - Ad honorem, regìa ad Sydney Sibilia
- 2018 - Una vita spericolata, regìa ad Marco Ponti
- 2018 - Restiamo amici, regìa 'd Antonello Grimaldi
- 2019 - Dolceroma, regìa ad Fabio Resinaro
- 2019 - I due papi (The Two Popes), regìa ad Fernando Meirelles
- 2019 - A Tor Bella Monaca non piove mai, regìa ad Marco Bocci
- 2020 - Cambio tutto!, regìa ad Guido Chiesa
- 2020 - Il caso Pantani - L'omicidio di un campione, regìa ad Domenico Ciolfi
- 2020 - Fortuna, regìa ad Nicolangelo Gelormini
- 2021 - Appunti di un venditore di donne, regìa ad Fabio Resinaro
- 2021 - Una relazione, regìa ad Stefano Sardo