Santa Maradona
|
C'l artìcul chè 'l è scrit in
Miranduléś |
 Santa Maradona
| ||
 Accorsi e De Rienzo in na figùra dal film | ||
| id. 2001 | ||
|---|---|---|
| Regìa: Marco Ponti | ||
| Scritōr: Marco Ponti | ||
| Atōr: Stefano Accorsi • Libero De Rienzo Anita Caprioli • Mandala Tayde • Fabio Troiano Domenico D'Alessandro • Aleksandar Cvjetkovic Franco Neri • Andrea Camuffo • Luca Bianchini | ||
| Müsica: Motel Connection • Mano Negra | ||
| Léngua: Itagliàṅ | ||
| Dürä dal film: 96 minüt | ||
| Nasiōṅ: Itàglia | ||
Santa Maradona (id.) l'è na cumèdia vulgaròta dal 2001 ad Marco Ponti ch'al l'à and scrita.
Al film, girâ a Turèṅ, al ciàpa 'l nóm da na canta dal 1994 dal grup francéś di Mano Negra.
Sunt
Andrea Straniero (Stefano Accorsi), un śōv'n ad vint-sèt an laureâ in létri, al fà fadìga a catàr un lavōr. Al spartìs 'n apartamènt c'n al sò amìg bòṅdagnìnt Bartolomeo Vanzetti dit „Bart“ (Libero De Rienzo) ch'al s definìs un crìtig leteràri mo invéci i sò pès, publicâ su i giurnài, al s i fà mandàr cupiâ da 'n sò cuśèṅ da la Sicìglia. Insém i n fàn'n un cas tut al dè a part rubàr dal vòlti da 'n quàlc negòsi.
I dū i s pàs'n al tèmp lśénd di lìbar, guardànd di film e tgnénd adrē a 'l pàrtidi 'd balòṅ. Na quàlc vòlta i vànan fóra cun na sò amìga cun di urìgini indiàni, la Lucia (Mandala Tayde), che però l'è bèla impgnàda cun Marco (Fabio Troiano).
Na sira Andrea al cgnós in na videotéca na ragàsa ciamàda Dolores Angeli (Anita Caprioli). I dū i tàc'n a frequentàr-as par pò métar-'s insém. Quànd la ragàsa, ch'la fà l'atōra, la gh cunfésa ch'l'è andàda a lèt c'n un prudutōr p'r avēr na part, Andrea al decìd ad mulàr-la.