A mia sorella!

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg À ma sœur!
A mia sorella!
A mia sorella.png
De Rienzo, la Mesquida e la Reboux
in na figùra dal film
A mè surèla!
2001
Regia: Catherine Breillat
Scritùr: Catherine Breillat
Atùr: Anaïs RebouxLibero De Rienzo
Roxane MesquidaLaura BettiArsinée Khanjian
Romain GoupilAlbert GoldbergOdette Barrière
Müsica: Fabrice Nguyen Thai • Jean-Paul Jamot
Lengua: FrancéśItagliàṅIngléś
Dürä dal film: 93 minüt
Nasiòṅ: FrànciaItàglia


«
Dòp al film scandalóś Romance, al film nóṿ dla Catherine Breillat.»
(Tagline dal film)


A mia sorella! (A mè surèla!) 'l è 'n film dramàtic francéś e itagliàṅ dal 2001 dirét par la Catherine Breillat.

In di marcâ ad léngua ingléśa 'l è cgnusû cuma Fat girl (Budlòna) o For my sister (Par mè surèla). 'L à ispirâ al film dal 2002 Sex is Comedy, sèmpar dla Breillat.

La pelìcula l'à vins 'l Órs 'd òr a 'l Fèstival ad Berlîn dal 2001 p'r al mijór film.

Sunt

L’Anaïs (Anaïs Reboux) l'è na baghéta ciciòna ad tréd'ś an ch'la s cata in vacànsa in sl'ìśula 'd Oléron insém a sò surèla Elena (Roxane Mesquida), più granda ad lē ad dū an, e a i sò genitōr. Quànd l’Elena la cgnós in un bar al rumàṅ Fernando (Libero De Rienzo), la s inamóra ad lò e la fà anc dal sès sèg in dla cambra da lèt cun l’Anaïs ch'la i tîṅ 'd òć.

I genitōr i bàdan pôc a 'l dū fiōli e 'l pàdar (Romain Goupil) 'l è anc custrét a partìr prima par lavōr. Quànd la màdar (Arsinée Khanjian) la vèṅ a savér qvél ch'l'à fat l’Elena, la tōś 'n apuntamènt cun al ginecòlug. Durànt la nòt, cun al tri dóni férmi in un parchéǵ a punsàr, a riva lè un laśaròn (Albert Goldberg) ch'al cópa la màdar e l’Elena, prima ad viulentàr l’Anaïs. Chi lē, p'r a n dar-'g-la vinsa cunfisànd 'd èsar dvintàda na sò cunquìsta, la n diś gnint a la pulisìa.

Culegamènt estéran