Leone di Lernia

Da Wikipedia.
C'l artìcul chè 'l è scrit in Miranduléś Emiliàn


«
Sono andato in Rai per fare una canzone, un sacco di persone che fan la file... Sono andato da Costanzo e mi ha preso con la panza, sono andato da Corrado e nemmeno mi ha guardato, sono andato da Mengacci e mi ha preso sotto bracci, c'era pure Boncompagni e con lui ho fatto il bagni, all'entrata della Rai c'era sempre la Raffai, nel programma di Biscardi si parlava di miliardi, quando ho chiesto di cantar mi han mandato a cag..., di Pippo Baudo c'è n'è uno, tutti gli altri son nessuno.»
(IT)(Pippo Baudo, 1998)
«
A sòṅ andâ a la Rai par far na cansòṅ, un sac ad gint ch'i faṅ la fila... A sòṅ andâ da Costanzo e al m à ciapâ cun la pansa, a sòṅ andâ da Corrado e al n m à gnanc vdû, a sòṅ andâ da Mengacci e al m à tòlt sót bras, a gh'éra anc Boncompagni e a-j-ò fat al bagn sèg, a 'l ingrès dla Rai a gh'éra sèmpar la Raffai, in dal prugràma ad Biscardi a s dascurìva ad migliàrd, quand a-j-ò dmandâ ad cantàr i m aṅ mandâ a cag..., ad Pippo Baudo a gh 'n è òṅ, tut chi àtar i èṅ ninsòṅ.»
(MUD)
Leone di Lernia tòlt śò in dal 2007


Leonardo di Lernia (Trâṅ, 18 'd Avrìl dal 1938), cgnusû méj cuma Leone di Lernia, 'l è 'n cantànt itagliàṅ ch'al fà al gènar “Trash” (Rusc). 'L è dvintâ famóś faghéd dal cover dance ad braṅ famóś in na manéra demensiàla. 'L à anc laurâ par dèś an a la ràddio, in dla prugràma «Lo Zoo di 105» (da 'l 1999 a 'l 2008).

Biugrafìa

Al pugliéś Leone di Lernia al sa stablìs da śóvan a Milàṅ laurànd p'r un sac ad tèmp cuma cantànt dialetàł còmic in soquànti televiśiòṅ ad cal bandi là. In dal 1975 al taca la sò carèra da cantànt c'n al sìngul Gaccia ad'ave/Spuosatiella geuvè. In particulàr "Gaccia ad’avè", cover in dialét pugliéś dla famóśa “I gotcha” ad Joe Tex, al móstra a tut al sò stîl: tōr na canta in ingléś cambiànd-'g al tèst cun òṅ di suo, demensiàł e in itagliàṅ o in dialét pugliéś. in dal 1979 al canta i braṅ „La megghiaire sfaticata“ e „Ce vuò ce fè“ p'r al film Sabato, domenica e venerdì.

In di an Utànta al s fà véd'r in di schérum dla Rai miténd-as da drē a i giurnalìsta inviâ a far i culegamènt da San Siro par 90º Minuto. In di an Nuànta al tōś part a 'l prugràma radiufònic ad Radio Monte Carlo "Fausto Terenzi Show" insém a Fausto Terenzi e Paolo Dini.

Da 'l punt ad vista muśicàł, Leone al fà vgnir fóra di disc quài Super Leone, Leonemania e Re Leone di Lernia in du i s càtan soquànti dal sò cover più famóśi cuma “Ra ri ri ra ra ra, pesce fritto e baccalà” (“Gypsy woman” ad Crystal Waters), “Magnando” (“Bailando” ad Paradisio), “Chille che soffre” (“Killing me softly” di Fugees), “Tu sei ignorante” (“Zombie” di Cranberries), “Uè paparul maccaron” (“Pump up the jam”, di Technotronic), “Te sì mangiàte la banana” (“The rhythm of the night” ad Corona), “Melanzan” (“Turn around”), “Pippo Baudo” (“Think about the way” 'd Ice MC), “Da Como a Lecco” (“Lick it”) e “Giuan” (“Short dick man”), qvisti chè dal grup di 20 Fingers.

«
Da Como a Lecco da Lecco in sotto si trova sempre cuss cazz di poliziotto, lo vedo in curva dietro al muretto, è sempre pronto a tirar fuori il suo fischietto.»
(IT)(Da Como a Lecco, 1998)
«
Da Côm a Léc da Léc in sóta a s cata sèmpar cal cas ad pulisiòt, a 'l véd in curva da drē da 'l murét, 'l è sèmpar prònt a tiràr fóra 'l sò fisćét.»
(MUD)

In dal 1997 al fà 'l caplìsta p'r al partî dla Léga 'd asiòṅ meridiunàla ch'la dava 'l sò apòǵ a Giancarlo Cito cuma candidâ a sìndic ad Milàṅ ma al vèṅ trumbâ. In dal 1999 al taca a far la spala in dal prugràma radiufònic "Lo zoo di 105" su Radio105, cundót par Marco Mazzoli, Fabio Alisei, Pippo Palmieri, Wender, Paolo Noise e Gibba. Leone al canta al sò cansòṅ, al fà dal parudìi e al s lasa andàr a i sò atàc ad cretinìśia.

In dal 2006 'l à fat part dal prugràma L'Isola dei Famosi, cundót par Simona Ventura, tulénd al pòst ad Massimo Ceccherini ch'l éra stâ mandâ via p'r avér tirâ dal madóni in dirèta. Da 'l 6 ad Dicémbar dal 2008 'l è in dla traśmisiòṅ "105 Non Stop" insém a Ylenia Baccaro e Max Brigante.

Discugrafìa

Sìngui

  • 1975 - Gaccia ad'ave/Spuosatiella geuvè
  • 1977 - Gaccia a te Mariuo'/U fesse 'nnamerate
  • 1979 - Sfregamece/Vieni fuori
  • 1983 - Padron pensaci tu/Spremi spremi
  • 1989 - Ce cule ca tiene
  • 1990 - La la li - la la la Pesce fritto e baccalà
  • 1991 - Lasciame ste'/Tu si scemo
  • 1992 - La fatica non m'ingozza
  • 1992 - Tu si pazze/chi ruba
  • 1994 - Salut'm a Sord/Voglio fare tanti soldi
  • 1997 - Cio'...Los...Tress/Bailando (Magnando)

Àlbum

Cuma Leone Di Lernia e la sua new rock band:

  • 1975 - Leone Di Lernia e la sua new rock band - Canzoni rock tranesi
  • 1976 - Leone Di Lernia e la sua new rock band

Cuma Leone di Lernia

  • 1979 - La pugliata
  • 1980 - MotorLover - Il rock del re delle puglie - racòlta
  • 1983 - Padron pensaci tu
  • 1984 - Disco
  • 1984 - Americanpuglia
  • 1984 - Compilation - I successi di Leone Di Lernia - racòlta
  • 1990 - Barhouse Music
  • 1991 - Barhouse Music 2
  • 1991 - Gran Barhouse - Il meglio di... Leone Di Lernia - racòlta
  • 1992 - Leone Super Dance
  • 1993 - Disco Hauz
  • 1993 - Il (meglio) peggio di Leone di Lernia - racòlta
  • 1994 - Leonemania
  • 1994 - Salut'm a Sord
  • 1996 - Leonlatino
  • 1997 - SuperLeone - Cio'...Los...Tress
  • 1997 - Fesso... e tutto il resto
  • 1998 - Re Leone Di Lernia
  • 1998 - Leonestate
  • 1999 - Leone superstar - I grandi successi di Leone di Lernia - racòlta
  • 2000 - Giubileone
  • 2000 - Leone 2000
  • 2001 - Il Gran Porcello
  • 2002 - Zizzaniaman
  • 2002 - Porcello 2 - Il ritorno
  • 2003 - Zizzaniaman 2 + Il meglio dello zoo di 105
  • 2004 - The Best of the Bestia - Trash compilation - racòlta
  • 2004 - Un Leone su Marte
  • 2004 - Sfigato
  • 2005 - Leone D'oro - Il peggio di Leone di Lernia - racòlta
  • 2006 - Casa di Lernia
  • 2006 - Ma che figo sono con Auz Triccaballac
  • 2006 - L'isola dei leoni - racòlta
  • 2007 - Squich
  • 2007 - Si nu baccalà
  • 2008 - Leone Best 2008 - racòlta
  • 2009 - Leone di Lernia contro tutti
  • 2010 - Fuori o Dentro lo Zoo?

Culegamènt estéran