Technotronic

Da Wikipedia.

C'l artìcul chè 'l è scrit in Miranduléś Emiliàn


«
Pump up the jam, pump it up, while your feet are stompin' and the jam is pumpin', look at here the crowd is jumpin', pump it up a little more, get the party goin' on the dance floor, seekers that's where the party's at and you'll find out if you do that, all I want is a place to stay, get your booty on the floor tonight, make my day.»
(EN)(Pump up the jam, 1989)
«
Dai mò, dà-gh dèntar, mènt'r i tò pē i èṅ drē a pistàr par tèra e la mùśica la pòmpa bèṅ, guarda chè la gint l'è drē saltàr, dà-gh dèntar 'n àtar pòc, la fèsta la tōś pē in dla pista da bal, vuàtar ch'a piscàv, al divertimènt 'l è chè e a'l catarìv s'a farìv acsè, tut quél ch'a vój 'l è un pòst in du star, muvìv i vòstar còrp in sla pista stasìra, fà-'m cuntènt.»
(MUD)


I Technotronic i èṅ un grup muśicàl ch'al sòna la house music e la dance music. 'L è uriginàri dal Bélgi e al s è furmâ in dal 1988, dvintànd famóś par via dla cansòṅ Pump up the jam in dal 1989 e anc in di prim an Nuànta, in Europa e in di Stat Unî, vindénd in tut 14 migliòṅ ad disc a 'l incìrca.

Jo Bogaert

Na bòna part dla sò mùśica la n fà minga part in manéra uficiàla dla discugrafìa di Technotronic parchè al grup 'l éra sòlit druàr di àtar nóm o lauràr insém a di àtar artìsta.

La furmasiòn 'd àdes la cumprénd al prudutōr stòric Jo Bogaert, la cantànta uriginària dal Śaìre Manuela Kamosi, cgnusùda anc cuma Ya Kid K., e Eric Martin.

Biugrafìa

Dòp avér fat gnir fóra un prim sìngul in dal 1988 sóta 'l nóm ad The Pro 24s, ciamâ pròpria Technotronic, al grup al cata al sucès internasiunàl par mèś dal braṅ Pump Up the Jam, ch'la sarév la versiòṅ strumentàla ad Technotronic cun śuntâ la vóś dal mudèla Felly Kilingi, anc se pò a ś vèṅ a savér ch'al parti vucàli i èṅ pò stadi fati par la śairéśa Manuela Kamosi mèntar la Felly, ch'l'è la dóna ch'la canta in dal vìddeo e la ś véd in dla cupertìna dal sìngul, la dava sōl la sò imàgin. La cansòṅ la fà al gir dal mónd, rivànd al secónd pòst in di Stat Unî, e quést al parmét a i Technotronic ad publicàr in dal 1989 par la SBK e la EMI 'n àlbum ciamâ, anca quést, Technotronic ch'al vénd un bèl pòc.

Da 'l disc i vènan tirâ fóra soquànt sìngui ad sucès: Get Up! (Before the Night Is Over), ch'al finìs in véta in dla clasìfica śvisra, This Beat Is Technotronic, cantàda a la manéra rap par MC Eric (scutmàj 'd Eric Martin) e Rockin' Over the Beat.

In dal 1990 la banda la s fà védar a 'l Festivalbar e la fà gnir fóra al sìngul Spin That Wheel cuma Hi-Tek 3 e un Megamix ch'al misćia insém soquànt dal sò cansòṅ più famóśi. In cal mèntar a vèṅ publicàda anc na racòlta ad braṅ rimixâ ciamàda Trip on This.

In dal 1991 a véd la luś al sìngul Turn It Up rigistrâ cun la vóś ad Melissa e Einstein e pò al secónd àlbum ciamâ Body to body (Còrp a còrp), cun la nóva vocalist Reggie, ma 'l vénditi i vànan śò anc se dū sìngui gnû fóra (Move That Body e Work) i càtan un sèrt sucès cumerciàl, ròba ch'a n s pōl minga dir par Money Makes the World Go Round e Voices.

In dal 2009 al grup al và in tour par selebràr i 20 an ad caréra.

Discugrafìa

Àlbum e Racòlti

  • 1989 - Pump Up the Jam
  • 1990 - Trip on This
  • 1991 - Body to Body
  • 1993 - The Greatest Hits
  • 1995 - Recall

Sìngui

  • 1988 - Technotronic (cuma The Pro 24s)
  • 1989 - Pump Up the Jam (cuma Technotronic featuring Felly)
  • 1990 - Get Up! Before the Night Is Over (cuma Technotronic featuring Ya Kid K)
  • 1990 - This Beat Is Technotronic (cuma Technotronic featuring MC Eric)
  • 1990 - Spin That Wheel (cuma Hi-Tek 3 featuring Ya Kid K)
  • 1990 - Rockin' Over the Beat
  • 1990 - Megamix
  • 1991 - Turn It Up (cuma Technotronic featuring Melissa and Einstein)
  • 1991 - Move That Body (cuma Technotronic featuring Reggie)
  • 1991 - Work (cuma Technotronic featuring Reggie)
  • 1991 - Money Makes the World Go Round
  • 1991 - Voices
  • 1992 - Move This (cuma Technotronic featuring Ya Kid K)
  • 1993 - Hey Yoh, Here We Go (cuma Technotronic featuring Ya Kid K)
  • 1994 - One Plus One
  • 1994 - Move It to the Rhythm (cuma Technotronic featuring Ya Kid K)
  • 1995 - Recall (cuma Technotronic featuring Ya Kid K)
  • 1995 - I Want You by My Side
  • 1996 - Pump Up The Jam - The '96 Sequel
  • 1996 - Crazy
  • 1998 - Get Up — The '98 Sequel
  • 1998 - Pump Up the Jam (cuma D.O.N.S. featuring Technotronic)
  • 1999 - Like This (cuma Technotronic featuring Monday Midnite)
  • 2000 - The G. Train (cuma Technotronic featuring Monday Midnite)
  • 2000 - The Mariachi (cuma Technotronic featuring Ya Kid K)
  • 2001 - Runaway Blues
  • 2002 - The Circlu Unbroken
  • 2005 - Pump Up the Jam 2005 (cuma D.O.N.S. featuring Technotronic)
  • 2010 - Pump Up the Jam 2010 (cuma Technonic vs Dimitri Vegas & Like Mike)

Culóni sunóri

  • 1990 - Tre scapoli e una bimba (Tri put e na putìna) – Get Up! (Before The Night Is Over)
  • 1990 - Tartarughe Ninja alla riscossa (Tartarùghi Ninja a la riscòsa) – Spin That Wheel (cuma Hi-Tek 3 featuring Ya Kid K)
  • 1990 - Il giallo del bidone giallo (Al śal dal bidòṅ śal) – Pump Up The Jam
  • 1990 - Riposseduta (Incóra cun al diav'l adòs) – Pump Up The Jam
  • 1993 - Meteor Man (L óm metéura) – Move This
  • 1993 - Tartarughe Ninja III (Tartarùghi Ninja 3) – Rockin' Over The Beat
  • 1996 - Space Jam (Jam in dal spasi) – Pump Up The Jam strumentàla
  • 2006 - Let's Go to Prison, un principiante in prigione (Andém in parśòṅ, un prinsipiànt in parśòṅ) – Move This (Shake That Body)
  • 2008 - Zohan, tutte le donne vengono al pettine (Zohan, tut al dóni i vènan a' l pètan) – Pump Up The Jam

Culegamènt estéran