20 Fingers

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


«
What in the world is that thing? Do you need some tweezers to put that thing away, that has got to be the smallest dick I've ever seen in my whole life. Get the fuck outta here, shriveled little short dick man, isn't that cute an extra belly button, you need to put your pants back on honey, don't want no short dick man.»
(EN)(Short dick man, 1994)
«
Cuśa diàvul è-la cla ròba lè? At gh'à biśógn dna pinséta par métar via cal lavōr lè, ch'al gh'à da èsar al cas più pìcul ch'a 'ppia mai vist in dla mè vita. Pusa via, umèṅ dal casèṅ impasî, a n è briśa fîg tgnir 'n àtar umbrìgul, tir-at sù al braghi dulcésa, a n vój minga di óm cun al cas pìcul.»
(MUD)


I 20 Fingers (Vint dida) i èṅ stâ un grup muśicàl dance dimóndi famóś in di an Nuànta par via dal sò canti cun di tèst spurcaciòṅ. In cal perìud lè i aṅ vindû dimóndi disc, specialmènt cun i sìngui Short dick man e Lick it.

Biugrafìa

Al grup, mis in pē ad òpra ad Charlie Babie e Manfred Mohr, 'l à fat al bòt fin da subìt par via dal prim sìngul (cun la cantànta dal New Jersey Sandra Gillette a la vóś), Short Dick Man ch'la s è misa in di prim sinc pòst dla clasìfica in soquànt paéś cuma l'Itâglia, la Germâgna e la Frància (chè par tri stmani ad fila). Al tèst dal braṅ, ch'al dascurìva ciàr e tónd dal miśùri d'l òrgan sesuàl di masć, al s è ciapâ un muć ad crìtichi e 'l an dòp al grup al gh'à cambiâ al tìtul, faghénd-al dvintàr Short short man[1].

Anc la secónda cansòṅ di 20 Fingers la gh'à quèl ad malnét anca lē. A s trata ad Lick it, cantàda par la biónda Roula, 'n àtar sucès in dal nòstar cuntinènt.

«
My lips are sweet as candy, I need a man that's handy, don't be tease, just gimme what I like, I'm full of freakiness, come on and get with this and make me purr so baby we can get high (miaow). You gotta lick it before we kick it, you gotta get it soft and wet, so we can kick it .»
(EN)(Lick it, 1995)
«
I mè làbar i èṅ dóls cum na caramèla, a m vōl 'n óm còmad, minga tōr-'m in gir, dà-'m quél ch'a m piàś, a sòṅ pîna ad caprìs, vîṅ chè e tó-la e fà-'m far i fuś acsè teśòr a psém far un bèl quèl (miao). At gh'à da 'lcàr-la prima ch'a ś divertém, at gh'à da far-la mòrbida e mója, acsè a ś divertém dabòṅ.»
(MUD)

Al nòstar Leone di Lernia 'l à tòlt chi dū braṅ chè e al i à cantâ a la sò manéra in dal disc Re Leone di Lernia: Lick it la dvénta Da Como a Lecco mèntar Short dick man la càmbia tìtul in Giuan.

I 20 Fingers i scrìvan pò di atri canti par 'l àlbum On the attack and more (feat. Gillette) ch'al gh'à dèntar anc al sìngul Mr. Personality.

In dal 1995 a vîṅ fóra al sìngul Sex machine cantâ par la Katrina e soquànt àtar sìngui in dal gir ad 'n an. Pò più gnint.

Discugrafìa

Album

  • 1994: On the attack
  • 1995: On the attack and more (edisiòṅ nóva 'd al disc cun dèntar la hit „Lick it“)
  • 1995: The Compilation
  • 1995: Take your time
  • 1996: Shake your money maker

Sìngui

  • 1994 - Short Dick Man (feat. Gillette)
  • 1994 - Short Short Man (feat. Gillette)
  • 1995 - Lick It (feat. Roula)
  • 1995 - Mr. Personality (feat. Gillette)
  • 1995 - You´re a Dog (feat. Gillette)
  • 1995 - Fat Boy (feat. Max-A-Million)
  • 1995 - Take your time (feat. Max-A-Million)
  • 1995 - Sexual Healing (feat. Max-A-Million)
  • 1996 - Sex Machine (feat. Kathrina)
  • 1996 - Bounce (feat. Gillette)
  • 1996 - Do fries go with that shake? (feat. Gillette)
  • 1996 - Shake your money maker (feat. Gillette)

Nòti

  1. L'Inghilterra censura la scandalosa Short Dick Man corriere.it, 8 ad Dicémbar dal 1994

Culegamènt estéran