Lasciami entrare

Da Wikipedia.

C'l artìcul chè 'l è scrit in Miranduléś Emiliàn

Låt den rätte komma in
Lasciami entrare

Kåre Hedebrant in na figùra dal film
Las'um vgnir dèntar
2008
Regìa: Tomas Alfredson
Scritōr: John Ajvide Lindqvist
Atōr: Kåre HedebrantLina Leandersson
Per RagnarHenrik DahlKarin Bergquist
Müsica: Johan Söderqvist
Léngua: ŚvedéśSpagnōl
Dürä dal film: 114 minüt
Nasiōṅ: Śvèsia


«
A mas parchè a gh'ò da vìvar.»
(Tagline dal film)


Lasciami entrare (Las'um vgnir dèntar) 'l è 'n film ad scarésa śvedéś dal 2008 ad Tomas Alfredson trat da 'l rumànś umònim ad John Ajvide Lindqvist ch'l à anc scrit la senegiadùra dla pelìcula.

Cl'òpra chè, ch'l'è custàda quàtar migliòṅ e mèś ad dòlar a 'l incìrca e ch'la 'n à fat sù da piò 'd ùndas, l'à vins dimóndi prèmi in gir p'r al mónd.

Sunt

Oskar (Kåre Hedebrant) 'l è 'n baghét biónd ad dód'ś an piciâ e tòlt in gir da i sò cumpàgn ad scóla ch'i gh dànan dal „ninèṅ“. Al viṿ insém a sò màd'r Yvonne (Karin Bergquist) ch'la s è divìśa da sò marè Erik (Henrik Dahl).

Na sira al masćèṅ al cgnós na ragasōla ciamàda Eli (Lina Leandersson) e 'l dvènta sò amìg. Chi lē, ch'l'à spatinâ da pôc in d'l apartamènt darènt a 'l suo in dal quartēr ad Blackeberg a Stucólma insém a 'n óm più grand, Håkan (Per Ragnar), in segrét l'è na vampîra e la gh'à biśógn ad cupàr par campàr. Håkan al vrév dar-ag na maṅ tajànd la góla a 'l sò vitmi e pò muciànd sù 'l sangṿ c'n un dvinèl mént'r al śgósla śò ma, p'r al fat ch'l è 'n inśdî, l’Eli l'è custréta a rangiàr-as da par lē murśgànd la gint a 'l còl. La 'l à bèla fat c'n al pòvar Jocke (Mikael Rahm), amìg ad Lacke (Peter Carlberg), e adès 'l è 'l tùran dla Virginia (Ika Nord) ch'la dvènta na ciùcia-sangṿ anc lē ma i sò gat i nàśan ch'a gh'è quèl ch'a traśa sèg e i la mòrśgan rabî. Purtàda a 'l uśdàł, rendénd-as cònt ad qvél ch'l'è dvintànda e a n vlénd più vìv'r acsè, la preferìs piutòst murìr. La s fà acsè vèr'r al téndi dla sò cambra par far in manéra 'd ciapàr fōg cun la luś dal Sōl ch'la gh riva adòs.

In cal méntar l’Eli la cònta incòsa a Oskar ma chi lò al gh'éra bèla rivâ da par lò.

Culegamènt estéran