Ludrèt
|
C'l artìcol chè 'l è scrit in
Carpśàn |
Al ludrèt (luddra, lōdra), ciamê anca dvinêl (imbuto in itagliàṅ) 'l è cla manéra 'd travaśèr di lìquid da 'n cuntenidōr drìt drìt dàint'r in 'n èter ch'a s à da tgnìr strìc lè 'd sòta, sàinsa śbrudacèr gnint in gîr.
'L è fât c'ma na trumbèta cun la pêrt più lèrga ch'la ciàpa i lìquid ch'a s egh bùta dèinter, per sfrucèr-i pò fìt fit precîś dàint'r in 'n èter cuntenidōr ch'al gh'àpia anca la bòca cinèina.
Al dè 'd incō i ludrèt i s caten ed plàstica dapertùt, mo na volta i ér'n ed lègn o 'd teracóta, c'ma la luddra, ch'la gniva còmda per sfrucèr i vèin dàint'r in del só bòti ed lègn.
'L à anc ciapê al nòm ed ludròun[1] al megàfon, che difât al gh'à la stèsa fórma dal ludrèt, anc se più in dal grôs e mìa per ciapèr di lìquid.
Manéri 'd dìr
[mudéfica la surzéia]- (EGL) Bèver, magnèr c'ma 'n lùder[2], (IT) (lett.) Bere, mangiare come un ludro[3], (fig.) Bere, mangiare moltissimo[4].
- (CARPŚ) Dróva la luddra[5] atâc a cla bòt! (fig.) Adopera l'imbuto, vicino alla botte (del vino)!
- (CARPŚ) S't vō ch'i 't sèinten, ciacàra in dal dvinlòun, (IT) (lett.) Se vuoi che ti sentano, parla dentro al megafono[6].
Vōś lighèdi
[mudéfica la surzéia]Èter progêt
[mudéfica la surzéia]
Wikimedia Commons contiene file multimediali su Ludrèt
Wikizionario contiene la voce di dizionario «Ludrèt»
Colegamèint estèren
[mudéfica la surzéia]Noti e referèinsi
[mudéfica la surzéia]- ↑ (CARPŚ) e (IT) Dizionario del dialetto carpigiano, ed Grasiàn Malagóli e Anna Marìa Ori, Mòdna 2011.
- ↑ (IT) La spiegasiòun ed "lùder" in sìm'a 'l sit melegnano.net.
- ↑ (IT) Al lùder spieghê in sìm'a 'l vucabulàri Treccani.
- ↑ (CARPŚ) e (IT) Dizionario del dialetto carpigiano, G. Malagoli e A. M. Ori, Mòdna 2011.
- ↑ Ibidem.
- ↑ Ibidem.