La casa sperduta nel parco

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg La casa sperduta nel parco
Casa sperduta nel parco.png
Hess e la Marie Claude Joseph in na figùra dal film
La cà spardùda in dal parc
1980
Regia: Ruggero Deodato
Scritùr: Gianfranco Clerici • Vincenzo Mannino
Atùr: David HessGiovanni Lombardo Radice
Christian BorromeoKaroline Mardek
Lorraine De SelleMarie Claude Joseph
Brigitte PetronioAnnie BelleGabriele Di Giulio
Müsica: Riz Ortolani
Lengua: IngléśItagliàṅ
Dürä dal film: 94 minüt
Nasiòṅ: Itàglia


«
Préga ad saltàr-'g-an fóra viṿ.»
(Tagline dal film)


La casa sperduta nel parco (La cà spardùda in dal parc) 'l è 'n thriller dal 1980 ad Ruggero Deodato girâ in sōli tri stmani c'n un budget dimóndi bas.

A 'l èstar 'l è cgnusû c'n i tìtui ad Trampa para un violador in Spaggna, La maison au fond du parc in Frància, House on the Edge of the Park in di Stat Unî e Der Schlitzer in Germâgna.

Sunt

Alex (David Hess), un delinquènt ch'al fà 'l mecànic in un garàǵ insém a 'l sò amìg Ricky (Giovanni Lombardo Radice) ch'al n è minga tant a pòst, na nòt al viulénta e al stròsa na dóna in un parc (Karoline Mardeck). Soquànt tèmp dòp al giùsta la màchina 'd un milurdèṅ ric sfundâ, Tom (Cristian Borromeo), ch'l éra andâ da lò insém a la sò murōśa, la Lisa (Annie Belle). Prima 'd andàr via, Tom al śibìs a i dū 'd andàr sèg a na fèsta da 'n sò amìg dal New Jersey e chi lōr i s śòntan vluntéra ma Alex al tōś prima 'n raśōr.

I quàt'r i rìvan prèst in dla vila dla padròna 'd cà, la Gloria (Lorraine de Selle). Insém a lē a gh'è di àt'r òspit: la Glenda (Marie Claude Joseph) e Howard (Gabriele Di Giulio). La fèsta la gh'à inìsi e gl'amìg i dmàndan a Ricky ad cavàr-as śò durànt un balét e pò i tàc'n a śugàr a poker méntar la Lisa la fà la purcùsa cun Alex in bagn. Quànd qvést chè al tórna śò e al véd che chi àtar i èṅ drē a baràr cóntar c'l insiminî ad Ricky, al tira fóra 'l raśōr e al taca na casutarìa cun Howard che pò al gh'à la pèś finénd in pisìna cun Alex ch'al gh pisa 'dòs.

Culegamènt estéran