Cannibal Holocaust
|
C'l artìcul chè 'l è scrit in
Miranduléś |
 Cannibal Holocaust
| ||
 Basile e Robert Kerman in na figùra dal film | ||
| id. 1980 | ||
|---|---|---|
| Regìa: Ruggero Deodato | ||
| Scritōr: Gianfranco Clerici | ||
| Atōr: Carl Gabriel Yorke • Luca Barbareschi Robert Kerman • Francesca Ciardi • David Sage Salvatore Basile • Perry Pirkanen • Paolo Paoloni Ricardo Fuentes • Claudia Rocchi • Enrico Papa | ||
| Müsica: Riz Ortolani | ||
| Léngua: Ingléś • Spagnōl • Induneśiàṅ | ||
| Dürä dal film: 91 minüt | ||
| Nasiōṅ: Itàglia | ||
Cannibal Holocaust (id.) 'l è 'n film ad scarésa dal gènar “canìbai” dal 1980 ad Ruggero Deodato.
A 'l èstar 'l è cgnusû anc c'n i tìtui ad “Holocausto caníbal” in Spaggna e ad “Nackt und zerfleischt” in Germàgna.
Sunt
Dòp siē méś ch'i èṅ partî par l'Amaśògna par giràr un ducumentàri p'r al canàł televiśìṿ BDC su na tribù ch'la mét incór' in òpra al canibalìśum in Braśìl, ad na troupe ad quàtar śōvan repòrter, Jack Anders (Perry Pirkanen), Shanda Tomaso (Francesca Ciardi), Mark Williams (Luca Barbareschi) e Alan Yates (Gabriel Yorke), a n s sà più gnint. P'r andàr-'g a fónd a partìs al prufesōr Harold Monroe (Robert Kerman) insém a soquànt militàr e a na guìda, Chaco Losojos (Salvatore Basile).
I prim dè là in dla furèsta i èṅ dimóndi dûr fra bisi, giaguàr, caimàṅ e sangvétuli pò un grup ad salvàdag al tira na frésa impinìda ad curâr masànd òṅ dal grup. In gir a s cata anc un cadàvar mars pódag magnâ par di bègatèṅ e 'n gus scavśâ dna galàna. In séguit Monroe e i suo i rìv'n a 'l vilàǵ di canìbai Shamatari e lè i védan i schéltar di repòrter e la camra ch'i ìvan druâ par giràr al ducumentàri. Al prufesōr al la tōś sèg e al tórna a New York par capìr qvél ch'l è sucès a chi quàtar là.