Un delitto poco comune

Da Wikipedia.

C'l artìcul chè 'l è scrit in Miranduléś Emiliàn

Un delitto poco comune

Pleasence e la Fenech in na figùra dal film
Un delìt minga cumùṅ
1988
Regìa: Ruggero Deodato
Scritōr: Gigliola Battaglini
Gianfranco Clerici • Vincenzo Mannino
Atōr: Michael YorkDonald PleasenceMapi Galán
Edwige FenechFabio SartorAntonella Ponziani
Renato CortesiCarola StagnaroDaniele Brado
Müsica: Pino Donaggio
Léngua: Itagliàṅ
Dürä dal film: 90 minüt
Nasiōṅ: Itàglia


«
At cgnusrà la disperasiòṅ 'd 'n óm usesiunâ pròpria da lò.»
(Tagline dal film)


Un delitto poco comune (Un delìt minga cumùṅ) 'l è 'n thriller dal 1988 ad Ruggero Deodato.

In Itàglia 'l è cgnusû anc c'n i tìtui ad “La casa di Via Rubens” e “Squilibrio” mént'r a 'l èstar c'n i nóm ad “Bestia asesina” in Spaggna, “Le tueur de la pleine lune” in Frància, “Off Balance - Der Tod wartet in Venedig” in Germàgna e “Phantom of Death” in di Stat Unî.

Sunt

Robert Dominici (Michael York) al sòna 'l piàṅ e al gh'à sucés cun cal dóni ma 'l è anc malâ esénd ch'l è destinâ a dvintàr vèć in pôc tèmp. P'r al fat ch'al fà fadìga a mandàr śò cal ròsp lè acsè pēś, al s la tōś cun la gint ch'la gh gira intóran cupànd-la. Sōl dl’Hélène Martell (Edwige Fenech), la sò muróśa, al gh'à cumpasiòṅ ma quànd al vèṅ a savēr che lē la gh'à 'd avér fiōl al ròbi i càmbian e anc dimóndi parchè al n vōl briśa cundanàr un putèṅ a 'n mâł cumpàgn dal suo.

In cal méntar 'l ispetōr Datti (Donald Pleasence) al n sà in du śbàtar la tèsta parchè i masamènt i cuntìnuan e di testimòni i dìśan 'd avér vdû un sasèṅ ad vint-sinc an e pò òṅ ad sinquànt'an. Adès però a ès'r in perìcul l'è la Gloria (Antonella Ponziani), pròpria la fiōla dal cumisàri.

Culegamènt estéran