Apocalypse Now

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Apocalypse Now
Apocalypse Now
Apocalypse now.png
Martin Sheen in na figùra dal film
L'Apucalìs l'è adès
1979
Regia: Francis Ford Coppola
Scritùr: Joseph Conrad • Francis Ford Coppola
Michael Herr • John Milius
Atùr: Marlon BrandoMartin SheenRobert Duvall
Frederic ForrestHarrison FordDennis Hopper
Sam BottomsAlbert HallLaurence Fishburne
Scott GlennBo ByersKerry Rossall
Müsica: Carmine Coppola • Francis Ford Coppola
Mickey Hart • The Doors
Dürä dal film: 197 minüt
Lengua: IngléśFrancéśVietnaméśKhmer
Nasiòun/Paèiş: Stat Unî


«
La scarésa... La scarésa.»
(Tagline dal film)


Apocalypse Now (L'Apucalìs l'è adès) 'l è 'n film ad guèra dal 1979 ad Francis Ford Coppola ch'al tōś ispirasiòṅ libra da 'l rumànś “Cuore di tenebra” ad Joseph Conrad. 'L à vins la Palma 'd òr a 'l 32śum Fèstival ad Cannes e dū Prèmi Òscar, par la futugrafìa e p'r al sunôr. In dal 2001 al regìsta 'l à fat vgnir fóra na versiòṅ dimóndi ślungàda ad cla pelìcula chè da 'l tìtul Apocalypse Now Redux.

'L à muciâ sù sènt-sinquànta migliòṅ ad dòlar in tut esénd-an custâ trènt'òṅ e mèś. In dla culòna sunóra a s càta anc al braṅ The End di Doors.

Sunt

'L uficiàl d'l eśèrcit americàṅ, al capitàṅ Benjamin L. Willard (Martin Sheen), al s cata a Saigòn in Vietnam par na misiòṅ speciàla su incàrag dal generàł Corman (G.D. Spradlin) e dal culunèl Lucas (Harrison Ford): un viàś lung al fiùm Nung in Cambògia par catàr e cupàr al culunèl Walter E. Kurtz (Marlon Brando), da dimóndi tèmp diśertōr e dvintâ mat in cal mént'r a s pōl dar. Al prubléma 'l è ch'al cmand' anc na sò legiòṅ in dla furèsta, cuma 'n sgnōr dla guèra, e 'l uficiàł di còrp speciài Richard M. Colby (Scott Glenn) 'l è pasâ da la sò banda.

Benjamin al partìs acsè insém a George Phillips (Albert Hall), al capitàṅ dla barca, a 'l surfer dla Califòrgna Lance B. Johnson (Sam Bottoms), a Tyrone Miller dit "Clean" (Laurence Fishburne) e a Jay Hicks (Frederic Forrest) ch'al vrév dvintàr un cōg di prim. Al grup al riva pò in dla śòna sóta cuntròl dal tenènt culunèl William Kilgore (Robert Duvall). Lò e i sò óm i tàc'n a bumbardàr un vilàǵ ad vietcong darènt a la spiàgia méntar la barca la vèṅ purtàda via in elicòtar.

Culegamènt estéran