L'insegnante
|
C'l artìcul chè 'l è scrit in
Miranduléś |
 L'insegnante
| ||
 La Carmela e l'Edwige Fenech in na figùra dal film | ||
| L'insgnànta 1976 | ||
|---|---|---|
| Regìa: Nando Cicero | ||
| Scritōr: Tito Carpi • Francesco Milizia | ||
| Atōr: Edwige Fenech • Vittorio Caprioli • Alfredo Pea Mario Carotenuto • Alvaro Vitali • Gianfranco D'Angelo Carlo Delle Piane • Stefano Amato • Enzo Cannavale | ||
| Müsica: Piero Umiliani | ||
| Léngua: Itagliàṅ • Sicigliàṅ • Napulitàṅ | ||
| Dürä dal film: 95 minüt | ||
| Nasiōṅ: Itàglia | ||
L'insegnante (L'insgnànta) l'è na cumèdia malnéta dal 1975 ad Nando Cicero.
Sunt
'L unurévul sicigliàṅ Fefé Mottola (Vittorio Caprioli) al vōl a tut i cóst che sò fiōl Franco (Alfredo Pea) al sia prumòs a la fiṅ d'l an parchè al vōl partìr p'r al vacànsi in santa paś e par cal mutìṿ lè al s arcmànda a 'l prèsid Margara (Mario Carotenuto), specialmènt se lò al vōl na prumusiòṅ, a s sém intéś. Purtròp al ragasōl al n gh'à mia tanta vója 'd studiàr ma piutòst ad „pasra“ tant ch'al s divertìs a tōr sò cavàda śò la camaréra 'd cà, la Carmela, ma c'n al giachét ch'al gh quàcia la fàcia parchè chi lē la gh'à 'n bèl cûl e dal bèli téti ma 'n grugn 'd arvultàr al stómag tgnénd adrē a 'l dit: „dóna c'n i bafi bruta figa“.
A scóla Franco 'l è amìg ad dū bòṅdagnìnt śbucâ e purcùs, al ciciòṅ rós ad cavìi La Rosa (Stefano Amato) e Salvatore Catuzzo (Alvaro Vitali). Insém i guàrdan nudi al ragàsi ch'in bagn i s dànan la créma p'r infiàr al téti e i tōś'n in gir al bidèl cun la pasiòṅ dal śōg di cavài Peppino (Enzo Cannavale) e i prufesōr Calì (Carlo Delle Piane) e Puntiglio (Gianfranco D'Angelo). Cun qvést chè però i càscan mâł parchè chi lò al vōl a tut i cóst dar-'g un quàt'r in cundóta par buciàr-i. Margara 'l in dascór preucupâ cun Fefé e lò al gh admànda s'a s pōl far quèl cuma ślungàr-ag di bèsi ma gnint, c'l insgnànt là 'l è pèś 'd un tedésc, inólt'r al sà incòsa di afâr muśnènt ch'i dū i fàn'n a scōla.
Par jutàr-'l in di studi, Margara 'l urganìśa 'd acòrd cun sò màd'r Amalia (Francesca Romana Coluzzi) dal ripetisiòṅ ma quànd l'insgnànta l'è na bèla dóna cuma la Giovanna Pagaus (Edwige Fenech), muróśa sénsa lavōr ad Puntiglio, sarnìda par pruàr a rénd'r-al più gustóś, i quèi i s fànan dûr, tut i quèi tant che méntar lē l'è pigàda par tōr un lìbar a lò a gh partìs un butòṅ dal braghi.