L'appartamento spagnolo

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg L'auberge espagnole
L'appartamento spagnolo
Appartamento spagnolo.png
Romain Duris in na figùra dal film
'L apartamènt spagnōl
2002
Regia: Cédric Klapisch
Scritùr: Cédric Klapisch
Atùr: Romain DurisJudith GodrècheAudrey Tautou
Kelly ReillyCristina BrondoBarnaby Metschurat
Cécile De FranceFederico D'AnnaIddo Goldberg
Müsica: Loïc Dury • Mathieu Dury
Lengua: FrancéśSpagnōlCatalàṅ
IngléśItagliàṅTedéscDanéś
Dürä dal film: 122 minüt
Nasiòṅ: FrànciaSpaggna


«
Andâ pur dènt'r a la cà più divertènta 'd Barcelóna.»
(Tagline dal film)


L'appartamento spagnolo (’L apartamènt spagnōl) l'è na cumèdia francéśa e spagnōla dal 2002 scrita e dirèta par Cédric Klapisch.

Al film, ch'l à fat sù trént'òṅ migliòṅ ad dòlar a frònt 'd un budget ad sinc migliòṅ e tri 'd euro, al gh'à abû dū séguit: Bambole russe (2005) e Rompicapo a New York (2013).

Sunt

Xavier (Romain Duris) 'l è 'n śōvan studènt francéś ad vint-sinc an ch'l è drē a laureàr-'s in ecunumìa e ch'al gh'à na muróśa da quàt'r an ciamàda Martine (Audrey Tautou). A 'l impruvìś al decìd ad dar un taj a tut e 'd partìr par Barcelóna tgnénd adrē a 'l prugràma ERASMUS anc se la sò ragàsa la n la tōś minga bèṅ.

Rivâ in Spaggna, Xavier al s adàta a divìdar 'l apartamènt cun di àtar studènt européo: l'ingléśa Wendy (Kelly Reilly), al tedésc Tobias (Barnaby Metschurat), la lèśbica bélga Isabelle (Cécile de France), 'l itagliàṅ Alessandro (Federico D'Anna), al danéś Lars (Christian Pagh) e la spagnōla Soledad (Cristina Brondo), un misćiùs linguìstic e culturàł ch'al n impedìs minga a i śōv'n ad dvintàr amìg dabòṅ.

Xavier al taca a 'ndàr fóra insém a na còpia francéśa furmàda da 'l dutōr Jean-Michel (Xavier De Guillebon) e l’Anne-Sophie (Judith Godrèche) ma cun chi lē al dà vita anc a na relasiòṅ cuntànd su i cunsìli dl’Isabelle in fat ad fighi. La Wendy la ricév la vìśita dal sò muróś William (Kevin Bishop) ch'al taca a far dal caśèṅ in dal grup ma Xavier al gh'à di àtar prubléma parchè 'l è ciàr ch'al sò amōr par la Martine e la vita ch'al fava in Frància al s è arsurâ dimóndi.

Finìda cl'esperînsa lè e vins un cuncōrs p'r un pòst a 'l Ministēr dal Finànsi, Xavier al decìd ch'la sò vita la tira da n'atra banda acsè al mòla baràca e buratèṅ par far al scritōr.

Culegamènt estéran