Barcelóna

Da Wikipedia.

C'l artìcul chè 'l è scrit in Miranduléś Emiliàn

Al stéma dla sità
La sità ad Barcelóna in sla mapa
La Cà Batlló ad Gaudí
La Cà Milà, patrimòni dl'umanità


Barcelóna (Barcelona in Spagnōl e in Catalàn, pruninsiâ [bəɾsəˈlonə] e [baɾθeˈlona]) l'è na sità dal nòrd-èst dla Spaggna 'd un migliòṅ e siē 'd abitànt, caplōg dla Catalógna. L'è la secónda sità più granda dal paéś dòp Madrìd e la gh'à òṅ di pòrt più impurtànt dal Mediterràneo. In dal 1992 l'à uspitâ i śōg ulìmpig.

La s divìd in déś quartēr: Ciutat Vella (al sèntar stòric), Eixample, Sants-Montjuïc, Les Corts, Sarrià-Sant Gervasi, Gràcia, Horta-Guinardó, Nou Barris, Sant Andreu e Sant Martí. La gh'à siē spiàgi dimóndi bèli: Sant Sebastià, Barceloneta (la più cgnusùda), Nova Icària, Bogatell, Mar Bella e Nova Mar Bella, qvésta chè par qvéi ch'i s vōlan cavàr śò tut. Fra i sò munumènt più impurtànt a 'rcurém la Sagrada Família 'd Antoni Gaudí, al Palàs dla Mùśica Catalàna ad Lluís Domènech i Montaner, dvintâ patrimòni dl'umanità par l'UNESCO in dal 1997, la Catedràla dla Sant'Eulalia, la Cà Batlló e la Cà Milà, dita „La Pedrera“, caplavōr 'd Antoni Gaudí.

Famóśi i èṅ al Rambli, di viài dimóndi lung in dua la gint la pōl giràr libra. Al stadi 'd fólbar 'l è 'l Camp Nou (Camp Nóṿ) druâ da la squàdra dal FC Barcelona. 'L areopòrt 'l è internasiunàł e 'l s ciàma El Prat.

La sindichésa 'd Barcelóna, da 'l 2015, l'è l’Ada Colau dna lista sìvica cun 'l apòǵ dal partî Podemos (A psém).

Persunàǵ ligâ a Barcelóna

Culegamènt estéran