Jun Hono

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
La Jun Hono


La Jun Hono (炎ジュン in giapunéś, Honō Jun) l'è 'n persunàǵ prutagunìsta d'l anime Gran Mazinga, creâ p'r al senegiadōr Gō Nagai.

La Jun l'è na òrfna dal caràtar dōls e gustóś ma anc determinâ. Al fat ch'la gh'à la pèla più scûra dal nurmàł, p'r èsar fiōla dna giapunéśa e 'd un négar, al l'à fata patìr dimóndi par via dla cativéria dla gint rasìsta in di sò cunfrònt. L'è stada tiràda sù da 'l prufesōr Kenzo Kabuto, diretōr dla baś dla Furtésa dal siénsi, par dvintàr la pilòta dal robot Venus Alpha e cumbàt'r acsè al pòpul di Mikenes ch'al vrév tōr al pòst dal gèn'r umàṅ, lōr ch'i èṅ custrét a vìvar sót-tèra.

L'è carsùda da Kabuto insém a 'n àt'r òrfan, Tetsuya Tsurugi, pilòta dal robot Gran Mazinga in un rapòrt ad cumpetisiòṅ, parchè la vōl far védar ch'la gh'à di nùmar anc s'l'è na dóna, e la s quistióna da spés sèg. La Hono l'è bòna 'd giràr in mòta e la cgnós gl'arti marsiàli.

La Jun, par tōr al cuntról dla Venus Alpha, la pilòta la Regìna dal Stéli, na navisèla ch'la s culéga a 'l robot insfilsànd-'s in dla sò gnuca durànt na manòvra 'd tacamènt.

In Itàglia al sò persunàǵ 'l à ciapâ la vóś da la Maria Grazia Dominici.