Generàł Drayato

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Al Generàł Drayato


Al Generàł Drayato, cgnusû anc cuma Generàł Dreidow, 'l è 'n persunàǵ d'l anime Gran Mazinga, creâ p'r al senegiadōr Gō Nagai.

Drayato, cmandànt di móstar gueriēr rètii, 'l è òṅ di sèt generài dal Gran Maresiàl dal Demòni e prima incóra dal Generàł Négar in fiṅ tant che chi lò al mōr in un cumbatimènt a l'arma biànca cun Tetsuya Tsurugi.

A séguit dal prucès ad rubutiśasiòṅ di abitànt dal pòpul ad Mikenes, Drayato 'l è finî dènt'r a 'n robot cun la tèsta 'd un drâg cinéś, cun di lung bafi biànc ch'i vìnan fóra da i buś dal naś, méntar la sò ghigna la salta fóra da la pansa.

Al generàł al mōr in dl'ultma puntàda dal cartòṅ animâ, tajâ in dū da Mazinga Z ch'al s éra insfilsâ dènt'r a la furtésa Demonica.

In dla puntàda 33 òṅ di móstar dal Generàł Yuri Caesar al s ciàma Drayato anc lò.