Generàł Négar
|
C'l artìcul chè 'l è scrit in
Miranduléś |
Al Generàł Négar, cgnusû anc cuma Gran Sgnōr di Scûr, 'l è 'n persunàǵ d'l anime Gran Mazinga, creâ p'r al senegiadōr Gō Nagai, anc s'l iva bèla fat al sò debùt in d'l ùltim epiśòdi 'd Mazinga Z, al 92śum.
Al Generàł Négar 'l è a cap dal pòpul ad Mikenes, dòp avēr uśurpâ 'l tìtul a 'l prìnsip Kerubinus, e 'l ubidìs a 'l Imperadōr di Scûr. La sò gint l'è custréta a vìvar sót-tèra, tulénd energìa da 'n Sōl artifisiàł, e l'à patî 'n prucès ad rubutiśasiòṅ parchè i éran dvintâ tròp fiàc a 'rmàgnar lè sóta.
Jutâ p'r al Grandùca Gorgon, p'r al Minìstar Àrgos e p'r i sèt generài di sò eśèrcit, Angoras, Birdler, Drayato, Hardias, Rygan, Scarabeth e Yuri Caesar, al Gran Sgnōr di Scûr al dà inìsi a na guèra cóntar gl'abitànt ad superfìsi dal Giapòṅ ma al cata vita dûra c'n i sò difensōr, i robot Mazinga Z e Venus Alpha.
La tèsta dal Generàł Négar l'è finìda in dla pansa 'd un robot élt 35 méntar cun tri còran e 'n tabàr rós da drē. Decìś a bàt'r al Gran Mazinga da par lò, in d'l epiśòdi nùmar 31 in un duèl a l'arma biànca cun Tetsuya Tsurugi, al mōr insfilsâ par dū spadi diabòlichi dal sò nemìg. Al sò pòst 'l è pò tòlt da 'l Gran Maresiàl dal Demòni.
In Itàglia 'l è stâ ardupiâ par Renato Mori, par Sandro Iovino e par Diego Baldoin.