Jade (film 1995)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Jade
Jade
Jade (film 1995).png
Palminteri e la Fiorentino in na figùra dal film
id.
1995
Regia: William Friedkin
Scritùr: Joe Eszterhas • William Friedkin
Atùr: Chazz PalminteriLinda Fiorentino
David CarusoRichard CrennaMichael Biehn
Donna MurphyHolt McCallanyAngie Everhart
Müsica: James Horner
Lengua: Ingléś
Dürä dal film: 100 minüt
Nasiòṅ: Stat Unî


«
Sèrti fantaśìi i pòrtan tròp luntàṅ.»
(Tagline dal film)


Jade (id.) 'l è 'n thriller eròtic dal 1995 ad William Friedkin scrit par Joe Eszterhas, aṿtōr di sugèt e dal senegiadùri ad film quài Flashdance, Basic Instinct, Sliver, Accerchiato e Basic Instinct 2.

'L è stâ girâ in Califòrgna c'n un budget ad sinquànta migliòṅ ad dòlar.

Sunt

L'asistènt prucuradōr distretuàł ad San Francisco David Corelli (David Caruso) 'l è ciamâ a far luś su 'l umisìdi 'd 'n impurtànt óm 'd afâr, Kyle Medford (Ron Ulstad), catâ mòrt in dla sò vila sóta i cōlp dn'antìga manàra da guèra. Gl'agìnt Bob Hargrove (Michael Biehn) e Petey Vesko (Ken King) i tìran fóra da na sò casafòrt soquànti foto dal guvernadōr dla Califòrgna Lew Edwards (Richard Crenna) in dal méntar ch'l è drē a gusàr-as na putàna ad nóm Patrice Jacinto (Angie Everhart). Chi lē la cònta a la pulisìa che Medford al la pagàva par far sès cun di óm impurtànt e pîṅ ad bèsi in dla sò cà ad Pasìfica. Cumpàgn a lē, di atri scaj i fàvan ch'al lavursèṅ lè e la più brava l'éra séns àtar na dóna cgnusùda in d'l ambînt cuma la Jade.

In séguit Corelli al dascór cun Edwards in parsòna e c'n al sò jutànt Bill Barrett (Holt McCallany) ch'i gh dìśan bèṅ 'd a n réndar minga pùblichi cal foto lè o sinò 'l è pèś par lò e par la sò caréra. Quànd pò i frêṅ dla sò màchina i n funsiònan piò, c'n al risć ad finìr fóra strada in culìna, David al capìs ch'a gh'è qualchidòṅ ch'l al vōl cupàr.

In cal mént'r i detective i càtan dal didàdi insìma a la manàra e i èṅ dla Katrina Gavin (Linda Fiorentino), na psicòluga ex amànta ad Corelli ch'adès l'à spuśâ 'n avucàt sò amìg, Matt Gavin (Chazz Palminteri). Cla rujàsa nimàla dla Jade l'è pròpria lē.

In séguit na màchina négra la mét sóta la Patrice cupànd-la méntar la Katrina la próa a incantàr Corelli in dal sò apartamènt sénsa però cavàr-'g-la.

Culegamènt estéran