Basic Instinct

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Basic Instinct
Basic Instinct
Basic instinct.png
La Stone méntar l'è drē a vèr'r al gambi in na figùra dal film
Istìnt primàri
1992
Regia: Paul Verhoeven
Scritùr: Joe Eszterhas
Atùr: Sharon StoneMichael DouglasDenis Arndt
Jeanne TripplehornGeorge DzundzaWayne Knight
Leilani SarelleDorothy MaloneMitch Pileggi
Müsica: Jerry Goldsmith
Dürä dal film: 127 minüt
Lengua: Ingléś
Nasiòun/Paèiş: Stat UnîFrància


«
'T al sà ch'a n pòrt minga 'l mudandìni. Dig-j-a bèṅ Nick?»


Basic Instinct (Istìnt primàri) 'l è 'n thriller eròtic dal 1992 ad Paul Verhoeven preśentâ a 'l 45śum Fèstival ad Cannes. 'L à ciapâ dū nomination a i Prèmi Òscar e a i Golden Globe ma al n à minga purtâ a cà gnint.

Al film 'l à muciâ sù dimóndi bèsi a i butghèṅ dal 1992, piasànd-'s in di prim duśènt pòst dla clasìfica dal pelìculi cun più incàs dla stòria (da piò ad tarśènt-sinquànta migliòṅ ad dòlar), e l'à fat cgnós'r in tut al mónd l'atōra prutagunìsta Sharon Stone, anc par via dna séna durànt al sò interugatòri quànd la prila al gambi faghénd védar la pèpa ad sóta la stanlìna parchè la n gh'iva mia al mudàndi adòs.

A gh'è anc un séguit dal 2006: Basic Instinct 2 girâ par Michael Caton-Jones.

Sunt

'L ex muśicìsta rock Johnny Boz (Bill Cable) al vèṅ catâ mòrt in dla sò cambra da lèt masâ cun un śbragagiàs mént'r 'l éra drē a ciulàr. Al tîṅ a drē a 'l caś al detective Nick Curran (Michael Douglas) ch'al s pòrta adrē al scutmàj ad "Giustisēr". Pinsànd ch'a gh pòsa entràr-ag la scritōra e psicòluga Catherine Tramell (Sharon Stone), ch'la s catàva sèg la nòt d'l umisìdi, al và a catàr-la a cà sua insém a 'l sò culéga Gus (George Dzundza) par far-ag dal dmandi. Rivâ là al cata invéci la sò amànta, la Roxy (Leilani Sarelle), ch'la gh diś che la sò murōśa l'è in dla sò vila in sla spiàgia ad Stinson Beach ma ch'l'è sicùra ch'la n gh'èntra minga. Purtàda in dal cumisariâ, la Catherine la rispónd sèmpar franca e pò, sintàda cun sōl na stanlìna curta adòs, la prila 'l gambi faghénd véd'r a i pulisiòt la sò pasra e lōr i pèrd'n al fîł, tàcand a sudàr fréd.

Cla sira lè pò Curran al s litga in un bar cun l'agìnt di afâr intèran Nielsen (Daniel von Bargen) e pò al cumpàgna a cà la sò ex, la psicòluga Beth Gardner (Jeanne Tripplehorn), e sèg al gh'à 'n rapòrt sesuàł dimóndi viulènt.

Nick al pésca anc ad far cōlp su la bèla Catherine ma chi lē invéci la s dà da far par catàr sù dal nutìsi su 'd lò dasfrutànd al sò sex-appeal. In cal mént'r a vèṅ cupâ Nielsen e Curran al pasa di guàj parchè i 'l ìvan vdû quistiunàr-as sèg.

Culegamènt estéran