Accerchiato
|
C'l artìcul chè 'l è scrit in
Miranduléś |
 Nowhere to Run
| ||
| Accerchiato | ||
 Jean-Claude Van Damme in na figùra dal film | ||
| Sircundâ 1993 | ||
|---|---|---|
| Regìa: Robert Harmon | ||
| Scritōr: Joe Eszterhas • Richard Marquand Leslie Bohem • Randy Feldman | ||
| Atōr: Jean-Claude Van Damme • Kieran Culkin Rosanna Arquette • Ted Levine • Anthony Starke Tiffany Taubman • Edward Blatchford • Allan Graf | ||
| Müsica: Mark Isham | ||
| Léngua: Ingléś | ||
| Dürä dal film: 94 minüt | ||
| Nasiōṅ: Stat Unî | ||
Accerchiato (Sircundâ) 'l è 'n film 'd asiòṅ americàṅ dal 1993 ad Robert Harmon.
'L è custâ quìndas migliòṅ ad dòlar e pò al 'n à muciâ sù da piò ad sinquànta-dū.
Sunt
Sam Gillen (Jean-Claude Van Damme), finî in parśòṅ anc s'al n à fat gnint, al s imprufìta 'd un sò trasferimènt par scapàr via da la pulisìa cun 'l ajùt dal sò amìg Billy (Anthony Starke). Durànt la scapàda però chi lò al s bèca na sćiuptàda e al mōr méntar Sam al s lóga in dal bòsc. In séguit al và a star a cà dna védva tacànd na relasiòṅ sèg, la Clydie Anderson (Rosanna Arquette). La dóna la gh'à dū fiōi da tiràr sù, Mike dit Mookie (Kieran Culkin) e la Bree (Tiffany Taubman). I dū putèṅ i èṅ bèṅ cuntènt ch'al sia rivâ e i al cunsìderan cuma 'n pàdar nóṿ, specialmènt al masćèṅ al s liga dimóndi a lò anc parchè al furastēr al 'l à catâ lò mént'r al s fava 'l bagn in un laghét.
La famìja però la gh'à da patìr ad cuntìnuv al scargnàdi 'd un tisi ch'al s ciàma Franklin Hale (Joss Ackland) ch'al vōl a tut i cóst mandàr-i via cumprànd al sò sit par far dal speculasiòṅ edilìsi. Quànd al véd che la Clydie la n céd briśa, lò al dà 'l incàrag a 'n boss dla màfia, Mr. Dunston (Ted Levine), ad druàr al catìvi par giustàr-la 'n pôc. L'è véra ch'a prutéś'r-la a gh'è Sam ma chi lò al gh'à da far i cònt cun la pulisìa ch'l'è drē a pascàr-al dapartùt.