Iluśiòun nader-cunìi

Da Wikipedia.
Jump to navigation Jump to search
C'l artìcul chè 'l è scrit in Carpśàn Emiliàn
Al disègn originêl ed fin Otsèint gnû fóra in sìm'a 'l giurnêl tedèsc"Fliegende Blätter".

L'iluśiòun nader-cunìi (illusione anatra-coniglio in itagliàṅ) l'è la manéra 'd psér vèder alternativamèint, in dla stèsa figùra, na volta 'l nader, ch'al guèrda ala manca, e cl'ètra volta al cunìi, vultê a guardèr da cl'ètra banda.

Cal disègn chè, ed 'n avtōr ch'a nn es sà minga, 'l era stê publichê in dl utóber dal 1892 in dal giornêl satìric setimanêl ed Mòneg "Fliegende Blätter", prìma 'd èser publichê incòr in dal setimanêl ed New York "Harper's Weekly".
Al psicòlog americàn Joseph Jastrow al 'l ìva tolt dèinter, anca in dal 1900, in "Fact and Fable in Psychology" per spieghèr l'importànsa dal servêl e dla cultùra in quêl ch'a s capìs in dal guardèr i lavōr.
N'ètra volta al disègn al gniva tolt da 'l filòśof Ludwig Wittgenstein in del só Philosophische Untersuchungen e pò anca da 'l storic edl'êrt Ernst Gombrich.
Mèinter che la pinsèda dla psicologìa dla forma, in chi tèimp là, la deva inportànsa a 'l percesiòun 'd un lavōr intēr sàinsa stèr trôp lè a sunèr sui só elemèint, al Wittgenstein al cavèva fóra, a partìr da cal disègn chè, la pinsèda del « manéri 'd vèder » ch'i deśgnarèven dai pinsér e dali asociasiòun edla mèint cun di quêl bèle vist.

Vōś lighèdi

Noti et referèinsi

Èter progêt

Colegamèint estèren