Disègn

Da Wikipedia.

C'l artìcol chè 'l è scrit in Carpśàn Emiliàn

Al disègn preparatóri per la sùca 'd un suldê dla batàja 'd Anghiàri, fât dal Leonêrd in dal Sincsèint.
'L òm vitruviàṅ, disgnê da 'l Leonêrd.
Al Minôs in dl'ilustrasiòun dla Divìna Cumédia dal Doré edl Otsèint.
Al Próteo ch'al gh'próva, in dl'ilustrasiòun dal Doré edl edisiòun dl Otsèint edl "Orlànd rabî".
Un disègn dl Arnaldo Ferraguti ch'al figùra 'n merchê a Milàṅ, publichê in sìm'a L'Illustrazione italiana in dal 1901.
Da l'élta a 'l bàs, la machina fotogràfica ind un disègn vetoriêl e minga, che difât pò i s vèden i pixel piutòst che i segmèint.
Na clâs di cōrs ed stùdi 'd disègn organiśê da 'l cumùn ed Chêrp in di prìm an Quarànta, indû, cun la cruàta in dal mêś, a è gnû tolt śò anc al mister Voltolìni.

Al disègn 'l è cla manéra 'd śgumbièr di sègn in sìm'a na quèlc superfìsi, e ch'i staghen a significhèr viśivamèint un quêl per chi 'l li bùta śò, c'ma figurèr dal só idèi imaginàri o anca figurèr dal viśuèli reèli.
A s pōl disgnèr di schìs, di paciûg, di quèl cun na valèinsa artìstica, o tètnica, o architetònica, un disègn giumètric, un disègn ch'al spiéga di quêl, un disègn in sìm'ala sàbia; a 'l dè 'd incō pò, a s disègna anca in vetoriêl dèint'r ind un quèlc progràma a 'l pc, e a gh'è pò anca i fumèt ch'i s servìsen ed strìsi disgnèdi, p'r an cuntèr di disègn animê, indû i disègn i rapreśàinten el só prìmi pert più elementèri, ch'i gnaràn pò elaborèdi in sucesiòun per 'rivèr a l'animasiòun finèla dal só filmèin.
Per disgnèr di quêl, a s'rèv anc abàsta na pèna basta ch'a sia, mo p'r èser precîś, el diferèinti spéci 'd disègn i gh'àn biśògn di só strumèint: e dòunca a s gh'avrèv da druèr di bē lapis dala punta più o meno tendra (c'm'anca di carbunsèin) a s'gònda dal scurèsi e sfumadùri ch'a s vōl dèr a 'l disègn, e la superfìsi da druèr la prèv èser anc la piò diferènta, mo anc chè a srèv méj druèr al fond piò giost per quèl ch'a s gh'à da disgnèr: di bē fōj 'd chèrta, lìsa o crespa, più o meno tendra, o dla tela, o dal lègn, dal mùr o dal pavimèint p'r i madunêr, p'r eśèimpi.

I schìs dal Leonêrd


Soquànt disègn tètnic


Soquànt disègn 'd architetùri


Soquànt disègn giumètric


Soquànt disègn vetoriêl


Soquànt disègn ed fumèt


Soquànt disègn industriêl


Soquànt disègn animê


Vóś lighèdi

Èter progêt

Colegamèint estèren

Noti e referèinsi