Cultùra
|
C'l artìcol chè 'l è scrit in
Carpśàn |
La cultùra l'è n'intensiòun ed brevitù che i agìnt i gh'tìnen adrē infìn da di tèinp dimòndi antìg. L'è cl insèm ed cgnusìnsi, manéri 'd vìver, pràtichi, valōr, che i agìnt i àn imparê in dla só vìta per fèr bèin, fèr a mōd, stèr da mêś a chièter. La nn'è minga un quèl ch'a s gh'à bèle da quand a s nàs, mo la s tóś sù cun la socialiśasiòun, a travèrs quèl ch'a s impèra ed comportères, col reghli e i valōr da tgnìr'gh adrē, per stèr in armonìa da mêś ai agìnt, e vìa descurènd.
Al nòm al deśvìn da 'l latèin colo, -is in dal sèins ed "cultivèr", mo minga la tèra per tōren sù dal verśùri, mo bèin invéci per dìr ch'a s vōl tgnìr adrē a l'alma edl òm. A in catèm na spiegasiòun dimòndi cèra ind un scrìt ed dumìla an indrē ed Ciceròun:
«
... ut ager quamvis fertilis sine cultura fructuosus esse non potest, sic sine doctrina animus; ita est utraque res sine altera debilis. Cultura autem animi philosophia est; haec extrahit vitia radicitus et praeparat animos ad satus accipiendos eaque mandat eis et, ut ita dicam, serit, quae adulta fructus uberrimos ferant ...[1]»
«
Acsè damànd un sìt, per bòun ch'al sèva, al ne pōl brìśa dèr di frùt sèinsa la cultivasiòun, ala stèsa manéra l'alma la n'pōl minga cultivères sèinsa i insgnamèint; i du elemèint i ìn débol cunpàgn, 'l ùn sèinsa 'd cl èter. In dal chèś edl'alma, la cultivasiòun l'è la filośofìa; questa chè la tōś vìa i vìsi infìn da 'l raìś e la prepèra el mèint a tōr sù el semèinti ch'la gh'dà in fìd e, per dìr acsè, dal semèinti ed na qualitê tèla ch'i n'pōlen dèr èter che di frùt bonìsim.»
(CARPŚ)
Al só significhèt ed lung al tèinp
Ed lung al tèinp, al significhèt ed cultùra al gh'ìva dal sfumadùri minga sèinper cunpàgni ed quìli 'd incō.
I grēc antìg i la ciamèven paidèia, e i 'n psìven tōr pèrt i agìnta sgnōr, quī ch'i n'gh'ìven minga di òblig ed servitù.
«
... fu per i greci la ricerca e la realizzazione che l'uomo fa di sé, cioè della vera natura umana ed ebbe due caratteri costitutivi: la stretta connessione con la filosofia, nella quale venivano incluse tutte le forme dell'indagine, e la stretta connessione con la vita associata.[2]»
(IT)(Dala vōś Cultura in n'ensiclopedìa dal 2003 edla UTET, scrìta da N. Abbagnano.)
In chi tèinp acsè indrē di grēc antìg, al in descurìva dimòndi Platòun in dal só scrìt in sìm'ala Repùblica, indû lò al catèva la manéra 'd dìr che i sitadèin i gh'àn tùt dal qualitê e dal dispośisiòun ch'i vinen ùtil in dla polis, mo lò al dgìva anc che 'l sitadèin più adàt a tōr pèrt a 'l govèren dla sitê, al n'è èter che quèl estuddiê, quèl ch'l è rasionèl. E dòunc a s capìs che Platòun al tgnìva in dal màsim còunt i stùddi per la formasiòun ed 'l òm.
Al só studèint Aristòtel al descurìva edla filośofìa in dimòndi só scrìt e a s capìs anc chè che, damànd al só mìster, anca lò al dèva dimòndi inportànsa ai studdi per la formasiòun edl òm cultivê. Lò 'l catèva che 'l òm al pōl cuntèr in sìm'a dū tìp ed "ragiòun" ch'i gh'fàn pèrt ed lò: la "ragiòun teorètica" e la "ragiòun pràtica". Chi dū tìp chè ed ragiòun, i s servìsen ed vistî, trī per la ragiòun teorètica e dū per la ragiòun pràtica:
«
Gli abiti della "ragione teoretica" sono tre e sono: l'intelligenza, nous o "intelletto" che, secondo Aristotele, è la conoscenza dei princìpi, cioè delle premesse da cui partono le dimostrazioni... Il secondo abito della ragione teoretica è quella che Aristotele chiama la "scienza"; e la scienza, lui dice, è abito dimostrativo, cioè è la capacità di dimostrare quali sono le conseguenze che derivano dai princìpi. Quindi la scienza è complementare all'intelligenza… C’è un terzo abito della ragione teoretica che è il migliore dei tre e perciò ha diritto ad essere chiamato "virtù" (sapete che in greco "virtù", aretè, vuol dire "eccellenza", vuol dire "perfezione") … Ebbene, la virtù della ragione teoretica cioè l’abito migliore, l'abito perfetto della ragione teoretica è quello che Aristotele chiama “sophia”. “Sophia” noi lo traduciamo con "sapienza" e dice Aristotele: esso consiste nell'unione dell'intelligenza e della scienza, cioè è al tempo stesso conoscenza dei princìpi e anche conoscenza delle conseguenze che derivano dai princìpi; quindi, è la forma di sapere più alta, è quella che nella metafisica lui chiama "filosofia prima", cioè la conoscenza delle cause prime… [La "ragione pratica"] ha due abiti… l’"arte" e la "saggezza" (in greco phronesis)… L'arte, la tecnologia, per Aristotele è la capacità di usare bene la ragione nelle attività produttive, cioè è la capacità di fare dei bei prodotti, di produrre delle belle opere. Il ché vale sia per quelle che noi chiamiamo le arti belle, la pittura, la scultura, la musica, la poesia … ma vale, secondo Aristotele, anche per quelle che noi chiamiamo le tecniche… è l’abito della ragione pratica, poietica, che produce, che sa produrre. Mentre la "saggezza" è l’abito della ragione pratica che non produce oggetti, ma sa compiere buone azioni, cioè è un buon uso della ragione nelle azioni e il saper fare quelle azioni reali che ci portano al bene, che realizzano il bene… Come la "sapienza" era la virtù della ragione teoretica, così la "saggezza" è la virtù della ragione pratica ...[3]»
«
I vistî edla "ragiòun teorètica" i ìn trī, e i ìn: l’"inteligìnsa" (nous per i grēc antìg) che, al dgìva Aristòtel, l'è la cgnusìnsia di prinsìpi, a dìr di fundamèint d'indû i partìsen el dimostrasiòun... Al secònd vistî edla ragiòun teorètica l'è quèl che, sèinper Aristòtel, al la ciàma la "sìnsia"; e la sìnsia, lò 'l dìś, 'l è 'l vistî ch'al dimòstra, a dìr ch'l'è la capacitê 'd dimostrèr cuś a in deśvìn dai prinsìpi. Dòunca la fà còpia cun l'inteliginsa. A gh'è pò un ters vistî edla ragiòun teorètica ch'l è 'l miōr di trī e dòunca al pōl ciamères "virtù" (a savî che in grēc "virtù", aretè, a vōl dìr "al méi", la "perfesiòun") … E bèin, la virtù edla ragiòun teorètica, a dìr al só vistî miōr, l'è qvèl che Aristòtel al la ciàma “sophia”. “Sophia” nuèt'r a la ciamèm al "savér", e Aristòtel al dìś: queschè 'l è l'uniòun edl'inteligìnsa cun la sinsia, a dìr ch'l è, in dal stès tèinp, la cgnusinsa di prinsìpi e dal conseguèinsi ch'a in deśvìn; dòunca l'è la forma dal savér più élta, l'è quèla che in dla Metafìśica lò al la ciàma "filośofìa prìma", a dìr la cgnusìnsa dal cavśi prìmi…»
(CARPŚ)
In dl'antropologìa, al studiōs Tylor al in dèva na definisiòun ch'l'è armèśa in pē infìn a incō per la só completèsa:
«
Culture or Civilization, taken in its wide ethnographic sense, is that complex whole which includes knowledge, belief, art, morals, law, custom, and any other capabilities and habits acquired by man as a member of society.[4]»
(EN)(Primitive Culture: Research into the Development of Mythology, Philosophy, Religion, Art, and Custum, 'd Edward Burnett Tylor,1871)
A s in cata pò anca degli ètri, dal definisiòun:
«
La cultura è una costruzione narrativa condivisa, contestata e negoziata, un sistema di mediazione, un corpus di artefatti, ...un insieme di risorse disponibili per l’azione.[5]»
(IT)(Intercultura - È possibile evitare le guerre culturali?, ed Giuseppe Mantovani,2004)
«
La cultùra 'l è na costrusiòun ed ciacarèr cumùn, minga sèinper tut 'd acòrd e anc quistiunê, un sistéma ed mediasiòun, 'n insèm ed lavōr fabrichê, ...'n insèm ed lavōr ch'a servìs per 'l agìr.»
(CARPŚ)
«
Culture is a way of life, a rich and timeworn grammar of human activity, a set of diverse and often conflicting narratives whereby communal (mis)understandings, roles, and responsibilities are negotiated. As such, 'culture' is a living, breathing system for the distribution and enactment of agency, power and privilege among its members and beyond. Rarely are those privileges distributed along a single axis of difference such that for example, all men are more powerfull than all women. Race, class, locality, lineage all accord measures of privilege or stigma to their bearers. However even those who are least empowered in a certain setting have some measure of agency in that setting, and their agency is bound up with (though not determined by) the culture, institutions, and practices that gave rise to it. Thus, extinguishing cultures is not the answer. In any case, years of colonial and assimilationist experiments should have taught us by now that such efforts are ethically problematic as well as self-defeating in practice.[6]»
(EN)(cit. in Multicentered feminism, ed Maria Caterina La Barbera,2004)
«
La cultùra 'l è na manéra ed viver, na rìca e però cunsumèda gramàtica edl'ativitê edl òm, un insèm ed còunt diferèint e despès quistiunê indû a s vin a pàt per i cumùn (fra)intendimèint, quèl ch'a s gh'à da fèr e 'l responsabilitê. Dìta acsè, la 'cultùra' l'è 'n sistéma vìv per la distribusiòun e l'aplicasiòun dagli asiòun, dal cmand e di priviléǵ tra i só member e anca de più. Raramèint chi priviléǵ chè i ìn mìs ed lung a 'n ùnic cô damànd, per eśèinpi, che tùt chi òm i gh'àpien più ecmànd che tùti cal dòni. La rasa, la clàs, al post, la disendèinsa, i dàn di priviléǵ o di śvantàǵ a chi gh'i à. Anca chi gh'à meno ecmànd ind un sert ambiìnt, al gh'à 'l istès un sert epcòun 'd asiòun in cl ambiìnt lè, e cl'asiòun lè l'è lighèda (anch se minga determinèda) ala cultùra, ali istitusiòun, a 'l pràtichi ch'i l'àn sustgnùda. Acsè, fèr sparìr el cultùri la nn'è minga la rispòsta giùsta. I an 'd esperimèint colonièl e asimilasionìsta i duvrèven avér insgnê che chi sfòrs chè i ìn eticamèint problemàtic e politicamèint mìa ùtil.»
(CARPŚ)
«
La cultùra di inteligìnt la vōl èser universèla, la vèl per 'l òm in generèl; la cultùra di pòpol l'è sèinper na cultùra col raìś e particolèra.»
(CARPŚ)
Manéri 'd dìr
Vōś lighèdi
Noti e referèinsi
- ↑ (LA) Ed Ciceròun: Tusculanae Disputationes, Roma, 45 a.C., II, 13.
- ↑ (IT) Vōś Cultura in n'ensiclopedìa dal 2003 edla UTET, scrìta da N. Abbagnano.
- ↑ (IT) Spiegasiòun dal prof. E. Berti in sìm'a 'l youtube in dal 2018.
- ↑ (EN) 'D Edward Burnett Tylor, 1871: Primitive Culture: Research into the Development of Mythology, Philosophy, Religion, Art, and Custum, Londra, prim evlùm, pàǵ 1.
- ↑ (IT) Ed Giuseppe Mantovani, 2004: Intercultura - È possibile evitare le guerre culturali?, Bulògna, paǵ 8.
- ↑ (EN) Ed Bonnie Honig, 1999, paǵ 39-40.
- ↑ (IT) Ed Loredana Sciolla e Paola Maria Torrioni, 2020: Sociologia dei processi culturali, Bulògna, paǵ 16.
Èter progèt
Wikimedia Commons contiene file multimediali su Cultùra
Wikizionario contiene la voce di dizionario «Cultùra»
Colegamèint estèren
- (IT) La vóś in sìm'a 'l vocabolàri Treccani.
- (IT) D'indû a deśvìn al só nòm in sìm'a etimo.it.
- (LA) Al lìber II dal Tusculanae Disputationes ed Ciceròun in dal sit thelatinlibrary.com.
- (EN) Al lìber "Primitive culture" 'd Edward Burnett Tylor descargàbil dala réda.
- (EN) La só definisiòun in sìm'ala Newworldencyclopedia.org.
- (EN) Soquanti spiegasiòun dal só significhèt in dal lìber ed John Storey "Cultural Theory and Popular Culture: A Reader", in sìm'a Google Books.
- (EN) Soquànti spiegasiòun dal só significhèt in dal lìber ed Wendy Griswold "Cultures and Societies in a Changing World" in sìm'a Google Books.