Hellraiser III - Inferno sulla città
|
C'l artìcul chè 'l è scrit in
Miranduléś |
 Hellraiser III: Hell on Earth
| ||
| Hellraiser III - Inferno sulla città | ||
 John Bush in na figùra dal film | ||
| Caśèṅ Infernàł III - Infèran in sla sità 1992 | ||
|---|---|---|
| Regìa: Anthony Hickox | ||
| Scritōr: Tony Randel • Peter Atkins • Clive Barker | ||
| Atōr: Terry Farrell • Doug Bradley • David Young Ken Carpenter • Kevin Bernhardt • Peter Atkins Sharon Percival • Paula Marshall • Shanna Lynn | ||
| Müsica: Randy Miller • Motörhead | ||
| Léngua: Ingléś | ||
| Dürä dal film: 97 minüt | ||
| Nasiōṅ: Stat Unî • Cànada | ||
Hellraiser III - Inferno sulla città (Caśèṅ Infernàł III - Infèran in sla sità) l'è na pelìcula 'd scarésa dal 1992 'd Anthony Hickox, séguit di film Hellraiser dal 1987 ad Clive Barker e Hellbound: Hellraiser II - Prigionieri dell'Inferno dal 1989 ad Tony Randel.
Al gh'à abû pò siē séguit: Hellraiser IV - La stirpe maledetta (1996), Hellraiser 5: Inferno (2000), Hellraiser: Hellseeker (2002), Hellraiser: Deader (2005), Hellraiser: Hellworld (2005) e Hellraiser: Revelations (2011).
'L à muciâ sù dódas migliòṅ e mèś ad dòlar esénd-an custâ sinc. In un camèo i s véd'n i mémbar dal grup heavy metal ad Los Angeles di Armored Saint.
Sunt
Pinhead (Doug Bradley) 'l è incóra intraplâ in na statṿa ad còrp e grugn dasfurmâ ch'la vèṅ cumpràda p'r al migliardàri J.P. Monroe (Kevin Bernhardt) ch'al gh'à 'n club ciamâ “The Boiler Room”. Al Cenubìta al gh'à sèmpar sèg al cub dit "La cunfigurasiòṅ dal lamènt" ch'l è bòṅ ad vèr'r al pòrti d'l Infèran.
La Joey Summerskill (Terry Farrell), na giurnalìsta śōvna cun dal fégat e la vója 'd dvintàr qualchidùna, la véd un ragàs a 'l uśdàł sćiancàr-'s a pès p'r òpra ad soquànti cadéni. Dascurénd cun la sò muróśa, la Terri (Paula Marshall), e scultànd dal vèci registrasiòṅ dla Kirsty Cotton catàdi in dal Channard Institute, la Joey la vèṅ a savēr quèl di Cenubìta méntar Monroe al dà da bévar dal sangṿ di sò cliènt a Pinhead par far in manéra ch'al pòsa vgnir fóra da la statṿa ch'la 'l tîṅ parśunēr.