Hellraiser

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Hellraiser
Hellraiser
Hellraiser.png
Doug Bradley in na figùra dal film
Caśèṅ Infernàł
1987
Regia: Clive Barker
Scritùr: Clive Barker
Atùr: Doug BradleyAshley LaurenceOliver Smith
Clare HigginsAndrew RobinsonSean Chapman
Müsica: Christopher Young
Lengua: Ingléś
Dürä dal film: 94 minüt
Nasiòṅ: Stat UnîRégn Unî


«
Di lìmit a n gh 'n è briśa.»
(Tagline dal film)


Hellraiser (Caśèṅ Infernàł) 'l è 'n film ad scarésa ingléś e americàṅ dal 1987 ad Clive Barker trat da 'n sò racònt da 'l tìtul “The Hellbound Heart”. Al gh'à abû òt séguit: Hellbound: Hellraiser II - Prigionieri dell'Inferno (1989), Hellraiser III - Inferno sulla città (1992), Hellraiser IV - La stirpe maledetta (1996), Hellraiser 5: Inferno (2000), Hellraiser: Hellseeker (2002), Hellraiser: Deader (2005), Hellraiser: Hellworld (2005) e Hellraiser: Revelations (2011).

Custâ un migliòṅ ad dòlar a 'l incìrca, al film al 'n à pò purtâ a cà da piò ad quatórdas.

Sunt

Larry Cotton (Andrew Robinson) e la sò secónda mujér, la Julia (Clare Higgins), i decìd'n ad spatinàr in di dintór'n ad Lóndra in na vila bandunàda da an in dua, soquànt tèmp prima, la dóna e sò cugnâ Frank (Sean Chapman) i éran sòlit gusàr prima che lò al murìs e i sò rèst i armagnìsan là. Rivâ in dal pòst Larry al s fà mâł a na maṅ pardénd sangṿ. Al gósi i déśdan Frank ch'l éra in na cunsisiòṅ ad dasfacimènt fìśic dòp avér pruâ a vèrar na scatla misterióśa. Sinténd di stus vgnir da la cambra da lèt, la Julia la và a védar e la cata 'l sò ex amànt mis da schiva parchè p'r armét'r-as al gh'à biśógn ad sangṿ nóṿ. La dóna la decìd ad jutàr-al purtànd-ag dal vitmi fréschi.

Larry al sènt ch'a gh'è quèl ch'a n và e al dmanda a sò fiōla Kirsty (Ashley Laurence) 'd armàgnar sèg e ad tgnir-la 'd òć méntar lò 'l è a lauràr. Acsè la bèca sò màdar méntar la pòrta òṅ da Frank e lò al próa a cupàr-la prima ch'la vaga a cuntàr incòsa ma al n gh la cava minga. La ragàsa la scapa via cun la scatla, al “Cub ad LeMerchant”. Prilànd-al in na quàlc manéra la vèra 'n varc par n'atra dimensiòṅ dl'angunìa da in dua i sàltan fóra di dèmun ciamâ “Cenubìti”, c'n a cap un móstar plâ, Pinhead (Tèsta 'd gucîn).

Culegamènt estéran