Halloween, la notte delle streghe

Da Wikipedia.

C'l artìcul chè 'l è scrit in Miranduléś Emiliàn

Halloween
Halloween, la notte delle streghe

La Jamie Lee Curtis in na figùra dal film
Halloween, la nòt dal strìi
1978
Regìa: John Carpenter
Scritōr: John Carpenter • Debra Hill
Atōr: Jamie Lee CurtisDonald Pleasence
Charles CyphersNancy KyesP.J. Soles
Nick CastleKyle RichardsBrian Andrews
Müsica: John Carpenter
Léngua: Ingléś
Dürä dal film: 91 minüt
Nasiōṅ: Stat Unî


«
Malòć e gat négar, malèfic mistēr, al sîg 'd un putèṅ bruśâ in dal camèṅ, in d'l òć dna strìa al Diàvul al s andga e a salta fóra l'òra: l'òra dla strìa! La vigìglia dal dè di Sant tut i gh'aṅ paùra: l'è la nòt dal strìi! (Quéi ch'i n pàgan minga i piànśan prèst!)»
(Filatèla ch'la vèra 'l film)


Halloween, la notte delle streghe (Halloween, la nòt dal strìi) 'l è 'n film ad scarésa dal 1978 ad John Carpenter, girâ tut cun pôc bèsi. Custâ 325.000$, al 'n à pò fat sù 47 milioni in di sōi Stat Unî dvintànd òṅ di più grand sucès dal cìnema indipendènt, miténd insém sèt séguit e dū arfacimènt. P'r al film Donald Pleasence 'l à ciapâ vint-mila dòlar; la Jamie Lee Curtis, fiōla dla Janet Leigh scurtlàda sóta la dócia in Psyco, òt-mila méntar Nick Castle sōl vint-sinc a 'l dè.

La culòna sunóra dal film l'è stada fata da Carpenter stés a part al braṅ (Don't Fear) The Reaper ch'l è dal grup heavy metal di Blue Öyster Cult.

In dal 2006 i Americàṅ i aṅ decìś ad mét'r-al in dal National Film Registry dla Bibliutéca dal Cungrès.

Sunt

In dla sità 'd Haddonfield, in dal stat d'l Illinòis, al ragasōl Michael Audrey Myers (Will Sandin), al dè di Mòrt (la nòt 'd Halloween da cal bandi là) al cópa sò surèla più granda ch'l'éra drē a badàr a lò e a cl'atra sò surèla nada da pôc, la Laurie Strode (Jamie Lee Curtis). Dòp 'l umisìdi chi lò al vèṅ sarâ dènt'r a 'l manicòmi psichiàtric ad Smith's Grove, cun al dutōr Samuel Loomis (Donald Pleasence) ch'l al tîṅ 'd òć.

Pasâ quind'ś an Michael (Tony Moran), dvintâ grand in cal méntar, al scapa via da 'd là pròpria p'r al dè 'd Halloween par turàr a Haddonfield in dua al masa cun un curtlàs tri amìg ad Laurie, dū di quài bcâ a ciulàr fra lōr. Sōl chi lē la gh la cava a far-la franca anc par mèrit dal dutōr Loomis ch'al gh tira di cólp ad pistòla a 'l cōr e a la tèsta, faghénd-al strabucàr śò da 'l bśól. Ma quànd Samuel al buta 'l òć śò par véd'r-al stablî a tèra, al n al véd piò.

Culegamènt estéran