La cosa (film 1982)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Thing
La cosa
Cosa (film 1982).png
Kurt Russell in na figùra dal film
Al quèl
1982
Regìa: John Carpenter
Scritōr: Bill Lancaster • John W. Campbell Jr.
Atōr: Kurt RussellWilford BrimleyT.K. Carter
David ClennonKeith DavidRichard Dysart
Charles HallahanPeter MaloneyLarry Franco
Richard MasurNorbert WeisserJoel Polis
Müsica: Ennio Morricone
Léngua: IngléśNurvegéś
Dürä dal film: 109 minüt
Nasiōṅ: Stat Unî


«
A n fidàr-'t ad ninsòṅ.»
(Tagline dal film)


La cosa (Al quèl) 'l è 'n film fantàstic e 'd scarésa dal 1982 ad John Carpenter trat da 'l racònt dal 1938 „Al quèl da 'n àtar mónd“ (Who Goes There?) ad John W. Campbell.

Custâ quìndas migliòṅ ad dòlar, al film al 'n à pò purtâ dagnóra vint in di sōi Stat Unî.

Sunt

Garry (Donald Moffat) 'l è a cap dla baś sientìfica americàna in Antàrtid U.S. Outpost #31. Chi lò al lavóra lè insém a 'l pilòta R.J. MacReady (Kurt Russell), a 'l mèdag Copper (Richard Dysart), a i biòlug Blair (Wilford Brimley) e Fouchs (Joel Polis), a 'l meteorólug George Bennings (Peter Maloney), a 'l geòlug Vance Norris (Charles Hallahan), a 'l respunsàbil dla ràddio Windows (Thomas G. Waites), a i mecànig Childs (Keith David) e Palmer (David Clennon), a 'l adét di caṅ Clark (Richard Masur) e a 'l cōg Nauls (T.K. Carter).

Un dè i s védan rivàr 'n elicòtar dna stasiòṅ 'd risérchi nurvegéśa a casa 'd 'n husky par masàr-'l a sćiuptàdi. Par śbali òṅ 'd di lōr, in dal tintatìṿ ad bcar al caṅ, al tira na granàda su 'l elicòtar ch'al scòpia, pò al mōr anc lò sénsa cavàr-'g-la a masàr la bèstia. Gl'americàṅ i n capìsan minga cuśa pōl èsar sucès e i decìdan 'd andàr a dar 'n òć a la baś scandinàva.

MacReady e Copper i rìv'n a la baś nurvegéśa e i la càtan crudàda śò e sénsa ninsòṅ dèntar, a part al cadàvar 'd un tisi ch'al s éra tòlt la vita. Lśénd dla ducumentasiòṅ e vdénd un blòc bèl grôs ad giàs avèrt e vōd, gl'americàṅ i s réndan cònt ch'i nurvegéś i ìvan catâ na creatùra ibernàda da di milèni.

Culegamènt estéran