Genetic Crime
|
C'l artìcul chè 'l è scrit in
Miranduléś |
 Swarmed
| ||
| Genetic Crime | ||
 La Maria Brooks in na figùra dal film | ||
| Crìmin genètic 2005 | ||
|---|---|---|
| Regìa: Paul Ziller | ||
| Scritōr: Miguel Tejada-Flores | ||
| Atōr: Michael Shanks • Carol Alt • Ellen Dubin Bill Lake • Maria Brooks • Richard Chevolleau Jonathan Malen • Tim Thomerson • Lorry Ayers | ||
| Müsica: James Gelfand | ||
| Léngua: Ingléś | ||
| Dürä dal film: 88 minüt | ||
| Nasiōṅ: Cànada | ||
Genetic Crime (Crìmin genètic), cgnusû in Itàglia anc cuma Swarmed - Lo sciame della paura, 'l è 'n film ad scarésa canadéś dal 2005 fat par la televiśiòṅ ad Paul Ziller.
'L è stâ girâ in d'l Untàrio.
Sunt
Kent Horvath (Michael Shanks) 'l è 'n siensiâ ch'l è drē a far di esperimènt genètic su dal vrèspi par catàr fóra di pesticìda incóra più putènt cóntar chi insèt lè. Dū aśióli però i scàmpan e i dvènt'n incóra più fòrti e rabìdi, c'n un vlèṅ putensiâ, tant ch'ad nòt i faṅ fóra 'l óm dal pulisìi (John Baktins). 'N insèt al mōr durànt 'l atàc ma 'l àt'r al s lóga in dla bóca dal mòrt e pò al masa anc al becamòrt (Claudio Masciulli).
'L agìnt ad pulisìa Doug Heydon (Booth Savage) al capìs ch'a gh'è quèl ch'a traśa e al và a far dal dmandi a l'entumóluga Cristina Brown (Carol Alt), una ch'la sà incòsa su 'l béghi e su gl'aśióli. In cal méntar Q (Richard Chevolleau), amìg ad Kent ch'ad mistēr al cumbàt gl'insèt, al tōś dal pesticìda nóṿ da 'l sò laburatòri e 'l al misćia cun quél vèć, pò 'l al dróa cónt'r un gnał 'd aśióli. In cla manéra chè al dà vita sénsa vlēr a na rasa 'd vréspi sasìni cambiàdi geneticamènt.
In paéś i èṅ drē a far la “Fèsta dal barbecue” e a gh'è in bal un gir ad bèsi da far paùra, tacànd da Phineas Washburn (Tim Thomerson), un vèć migliardàri ch'a gh tîṅ dimóndi a véndar la sò salsa p'r hamburger, e pasànd p'r al sìndig Gibson (Christopher Bondy). A gh'è anc la giuralìsta Melanie Sheer (Maria Brooks) dla televiśiòṅ.
Kent e la Cristina i capìsan ch'la gint l'è in perìcul, al siàm al s è ślargâ e 'l è drē a rivàr in sità, ma ninsòṅ a gh dà a mènt.