Fragola e cioccolato
|
C'l artìcul chè 'l è scrit in
Miranduléś |
 Fresa y chocolate
| ||
| Fragola e cioccolato | ||
 Jorge Perugorría in na figùra dal film | ||
| Fràgula e ciuculàta 1993 | ||
|---|---|---|
| Regìa: Tomás Gutiérrez Alea • Juan Carlos Tabío | ||
| Scritōr: Tomás Gutiérrez Alea • Senel Paz | ||
| Atōr: Jorge Perugorría • Vladimir Cruz • Mirta Ibarra Francisco Gattorno • Joel Angelino • Marilyn Solaya Andrés Cortina • Antonio Carmona • Ricardo Ávila | ||
| Müsica: José María Vitier | ||
| Léngua: Spagnōl • Ingléś • Francéś | ||
| Dürä dal film: 108 minüt | ||
| Nasiōṅ: Cuba • Mèsic • Spaggna • Stat Unî | ||
Fragola e cioccolato (Fràgula e ciuculàta) 'l è 'n film dramàtic dal 1993 ad Tomás Gutiérrez Alea e 'd Juan Carlos Tabío che par cl'òpra chè i aṅ vins 'l „Ōrs 'd Argìnt“ a 'l 44śum Fèstival ad Berlîṅ méntar la pelìcula l'è stada candidàda cuma film furastēr a i Prèmi Òscar dal 1995.
'L è stâ girâ a L'Avàna.
Sunt
David (Vladimir Cruz) 'l è 'n studènt cubàṅ cumunìsta sfegatâ e sustenidōr dla rivulusiòṅ. Quànd al vîṅ mulâ da la Vivian (Marilyn Solaya), ch'la pascàva sōl i bèsi e minga 'l amōr, al pasa di brut mumènt ma 'l pōl sèmpar far afidamènt su 'l sò amìg Miguel (Francisco Gattorno).
Un dè, mént'r al tōś quèl a 'n bar ad L'Avàna, 'n óm ciamâ Diego (Jorge Perugorría) al s sènta davśèṅ a lò e 'l taca butòṅ sèg. A s véd subìt ch'a s trata dna chéca anc parchè a lò a gh piàś al ślâ a la fràgula e minga qvél a la ciuculàta cuma a i óm. Diego al 'l invìda a cà sua e anc s'i fnòć i gh faṅ un po' sèns David al decìd listés 'd andàr sèg giùst parchè lò al gh'à na culesiòṅ ad lìbar pruibî da 'l guèran castrìsta e anc dla mùśica ch'a n s pōl sintìr da gnanc na banda.
Diego 'l è 'n pinsadōr anti-cunfurmìsta e 'n inteletuàł e al gh'à da métar sù na móstra. David al taca a rispetàr-al anc parchè 'l è generóś cun la gint, cuma cun na sò vśina 'd cà ciamàda Nancy (Mirta Ibarra) ch'la vliva tōr-as la vita, e minga tacâ a i bèsi.
Un dè però Diego al decìd ad partìr e 'd lasàr l'ìśula parchè p'r òṅ cuma lò a n gh'è minga pòst a Cuba e s'l armàgn lè al risćia dimóndi.