Ślâ

Da Wikipedia.

C'l artìcul chè 'l è scrit in Miranduléś Emiliàn

Na putìna la magna 'n ślâ 'd gust


Al ślâ (gelato in itagliàṅ) 'l è 'n magnàr dōls fat misćiànd insém di ingrediènt purtâ a 'l stat sòlid dòp avér-i ślâ e pò squasâ butànd-ag dèntar dl'ària. Òṅ di cumpunènt più impurtànt dal ślâ 'l è 'l sùcar.

Descrisiòṅ

A secónda dgl'ingrediènt druâ i ślâ i pōl'n èsar artigianài, c'n un “overrun” màsim dal 40%, o industriài (o ice-cream a l'ingléśa) c'n un “overrun” mèdi d'l 80%. S'in d'l impàst a s mét dèntar abàsta fruta, almànc al 15% o 10% par gl'argùm, a s trata 'd un ślâ a la fruta o sinò 'l è 'n ślâ a 'l lat.

Gl'ingrediènt più druâ in di ślâ i èṅ al lat, la pana, al sùcar, i óṿ, la fruta, la fruta séca, la ciuculàta, la nisōla e 'l cafè.

Al ślâ al pōl èsar magnâ lcand-al se mis insìma a 'n côṅ ad biscòt o sinò magnâ druànd un cuciarèṅ se sarvî in na cópa.