Elena Bovina
|
C'l artìcul chè 'l è scrit in
Miranduléś |
La Elena Olegovna Bovina (Елена Олеговна Бовина in Rus) l'è na tenìsta rusa, nada a Mósca al 10 ad Mars dal 1983. L'è élta 189 cm e la péśa 72 chilo.
L'à visû in Maròc quànd l'éra pìcula e l'à imparâ a śugàr a tènis a l'Acadèmmia ad Nick Bollettieri in Flòrida da 'l 1997 a 'l 1999. Al sò film preferî 'l è Il quinto elemento. A gh piàś la mùśica techno, balàr, al sushi, al futból, 'l hokey in sal giàs e i ślâ.
In dla sò caréra la gh l'à cavàda a rivàr a 'l 14śum pòst dla clasìfica, al 4 'd Avrìl dal 2005, vinsénd tri tìtui in tut in singulàr, da 'l 2002 a 'l 2004, e sinc in dópi.
Caréra
L’Elena la taca a śugàr in dal sircùit in dal 1999. In Geòrgia la Bovina la cata in sla sò strada la Galina Fokina ma la gh lasa al péni par dū vòlti.
Al sò riśultâ più bèl la 'l fà sù in dal 2002 quànd la riva a i quàrt ad finàl di US Open, baténd, fra gl'atri, la Jelena Dokić par 6-3, 6-2 e la Francesca Schiavone par 7-6, 6-4, par pò pèrdar da la Lindsay Davenport par 3-6 6-0 6-2.
In dal Śugn dal 2005 la patìs 'n infurtùni grâv a la schina e da cal mumènt lè la n è piò turnàda a i sò livèi ad śōg.